ரன்வீர் சிங்கை இயக்கும் ஹனுமான் பட இயக்குனர்! | மே 1ம் தேதி ரீ ரிலீஸாகும் தீனா படம்! | கவின், ஆண்ட்ரியா படத்திற்கு இசையமைக்கும் ஜி.வி. பிரகாஷ்! | ஹாலிவுட்டில் ரீ ரிலீசாகிறது 'இன்டர்ஸ்டெல்லர்' | பெண்களை அடிமைப்படுத்தும் 'பரதா': சர்ச்சையுடன் உருவாகும் புதிய படம் | இணையத்தில் கசிந்த 'ராமாயணம்' படப்பிடிப்பு காட்சிகள்: படக்குழு அதிர்ச்சி | புதிய அமைப்பு தொடங்கினார் ராகவா லாரன்ஸ் | அப்பாவாக நடிப்பது பெருமை: சமுத்திரகனி | அபிநந்தனாக நடிப்பதே கஷ்டமாக இருந்தது: பிரசன்னா | பார்த்தால் பசிதீரும், பத்ரி, வீரம் - ஞாயிறு திரைப்படங்கள் |
சந்தனக் கடத்தல் வீரப்பன் வாழ்க்கையை மையமாக கொண்டு பல ஆண்டுகளுக்கு முன்பே ஆர்.கே.செல்வமணி கேப்டன் பிரபாகரன் படத்தை எடுத்தார். அதன் பிறகு வ.கவுதமன் சந்தனக்காடு என்ற பெயரில் வீரப்பன் வாழ்க்கையை தொலைக்காட்சி தொடராக இயக்கினார். கடந்த ஆண்டு குப்பி படத்தை இயக்கிய ஏ.எம்.ஆர்.ரமேஷ் வனயுத்தனம் என்ற பெயரில் தமிழிலும், வீரப்பன் அட்டகாசா என்ற பெயரில் கன்னடத்திலும் இயக்கினார். வீரப்பன் மனைவி முத்துலட்சுமியின் வாழ்க்கையை மையமாக கொண்டு தற்போது கன்னடத்தில் ஒரு படம் தயாராகி வருகிறது. ராம்கோபால் வர்மா கன்னட நடிகர் ராஜ்குமார் கடத்தலை மையமாக கொண்டு ஒரு படம் இயக்க இருக்கிறார்.
இந்த நிலையில் சத்தமே இல்லாமல் மது சூதனன் ரெட்டி என்பவர் வீரப்பன் கொல்லப்பட்ட சம்பவத்தை அடிப்படையாக வைத்து இலக்கு என்ற படத்தை எடுத்து முடித்து விட்டார். இவர் ஏற்கெனவே அயோத்தியா குப்பம் வீரமணி வாழ்க்கையை மையமாக கொண்டு பெருசு என்ற படத்தை இயக்கி நடித்தவர். இலக்கு படத்தில் ஸ்ரில் என்பவர் வீரப்பனாக நடித்துள்ளார். போலீஸ் அதிகாரி விஜயகுமாராக இயக்குனர் மதுவே நடித்திருக்கிறார். எஸ்.ஏ.ராஜ்குமார் இசை அமைத்துள்ளார், ஸ்ரீராம்நாத் ஒளிப்பதிவு செய்துள்ளார்.