Dinamalar

ரஜினி-தனுஷ் இருவருமே நல்ல கமெண்ட் கொடுத்தனர்! - டைரக்டர் ஐஸ்வர்யா ஆர்.தனுஷ்

3 படத்தை தனது கணவர் தனுஷை வைத்து இயக்கிய டைரக்டர் ஐஸ்வர்யா தனுஷ், அடுத்தபடியாக கடல் கெளதமை நாயகனாக வைத்து வை ராஜா வை என்ற படத்தை இயக்கியிருக்கிறார். அவருடன் டாப்சி, ப்ரியாஆனந்த், டேனியல் பால்ராஜ் உள்பட பலர் இப்படத்தில் நடித்துள்ளனர். யுவன் ஷங்கர் ராஜா இசையமைத்திருக்கிறார். வருகிற மே 1-ந்தேதி அப்படம் திரைக்கு வருகிறது.

இந்நிலையில், அப்படத்தின் பிரஸ்மீட் சென்னையில் நடைபெற்றது. அதில் படக்குழுவினர் அனைவரும் கலந்து கொண்டனர். அப்போது வை ராஜா வை படம் குறித்து டைரக்டர் ஐஸ்வர்யா ஆர்.தனுஷ் கூறுகையில், முதலில் நான் இயக்கிய 3 படத்தில் இருந்து முற்றிலும் மாறுபட்ட கதையில் இந்த படத்தை இயக்கியிருக்கிறேன். தேவையான லொகேசன்களுக்காக காத்திருந்து படமாக்கியதால் 3 வருடங்களாக படப்பிடிப்பு நடந்து வந்தது. ஆனபோதும் படத்தில் நடித்தவர்கள் ஒருநாள்கூட முகம் சுழிக்காமல் வந்து நடித்துக்கொடுத்தனர்.

முக்கியமாக படத்தில் நடித்துள்ள அனைவருமே கதையின் சூழலுக்கேற்ப வழக்கமான ஸ்டைலில் இருந்து வெளியேறி வந்து நடித்துள்ளனர். இந்த படத்தில் கேம்ப்ளிங் இருக்கு. ஆனா கேம்ப்ளிங் படமல்ல. இது புதுமையான கதை. கோவா, பாங்காங், சிங்கப்பூர், ஜப்பான் என பல நாடுகளில் பூக்கள் மலரும் அழகான சீசன்களுக்காக காத்திருந்து பாடல் காட்சிகளை படமாக்கியிருக்கிறோம். இப்படத்தில் கொக்கி குமார் என்றொரு கேரக்டரில் கலகலப்பாக வந்து நடித்திருக்கிறார் தனுஷ். இந்த கேரக்டரை சஸ்பென்சாக வைக்க நினைத்தேன். ஆனால் இணையதளங்களில் வெளியாகி விட்டது.

மேலும், இந்த படத்துக்கு யுவன்ஷங்கர் ராஜா வித்தியாசமான இசையை கொடுத்துள்ளார். பின்னணி இசையில் அவர் கொடுத்துள்ள புதுமையான சவுண்டு படத்தின் கலரையே மாற்றிவிட்டது. ஆக, வை ராஜா வை படம் நல்லதொரு கமர்சியல் படமாக உருவாகியிருக்கிறது.

அதோடு, இந்த படத்தை எனது தந்தை ரஜினியும், எனது கணவர் தனுசும் பார்த்து விட்ட நல்ல கமெண்ட் கொடுத்தனர். அது எனக்கு பெரிய உற்சாகத்தை கொடுத்தது. மேலும், தனுஷ் எனக்கு பக்கபலமாக இருக்கிறார். என்கரேஜ் ஆக இருக்கிறார். அவர் ஒரு ஸ்டாராக இருந்தும் எனது முதல் படத்தில் நடித்தார். எங்களுக்கிடையே நல்லதொரு புரிதல் உள்ளது. எனது 2வது படத்திலும் அவர் கொக்கி குமாராக நடித்ததை படத்துக்கு ஒரு பெரிய பலமாகவே கருதுகிறேன் என்றார் ஐஸ்வர்யா ஆர். தனுஷ்.

• 
  மேக்-அப் அறையில் அடைத்து சித்ரவதை : டிவி நடிகை பரபரப்பு புகார்
• 
  ஏஆர் முருகதாஸை புகழ்ந்து பேசிய ஆமிர்கான்
• 
  மகாதேவ் சூதாட்ட செயலி வழக்கு: நடிகர் சாஹில் கான் கைது
• 
  ரன்வீர் சிங்கை இயக்கும் ஹனுமான் பட இயக்குனர்!
• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு

• 
  மே 10 ரிலீஸில் இணைந்த ரசவாதி
• 
  நடிகர் சங்கத்திற்கு நெப்போலியன் ஒரு கோடி நிதி
• 
  ரெட்ட தல படப்பிடிப்பு துவங்கியது
• 
  எவரெஸ்ட் சிகரத்திற்கு டிரக்கிங் சென்ற ஜோதிகா
• 
  போட்டோ சூட் நடத்திய நிறைமாத கர்ப்பிணி அமலா பால்