விரைவில் 'பாகுபலி' அனிமேஷன் சீரிஸ் | 'சங்கமித்ரா' படம் உருவாகும், சுந்தர் சி நம்பிக்கை | நடனத்தை கிண்டலடித்தவர்களுக்கு உருக்கமாக கோரிக்கை வைத்த ஜிமிக்கி கம்மல் நடிகை | பிரபாஸ் படத்திற்காக மகாபலிபுரத்தில் முகாமிட்டுள்ள தமன் | இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை | 'லயன் கிங்' அடுத்த பாகம் தயாராகிறது: டிசம்பரில் ரிலீஸ் | ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு |
கார்த்தி, லட்சுமிமேனன், ராஜ்கிரண் நடித்துள்ள கொம்பன் படத்தை சுந்தரபாண்டியன் இயக்குனர் முத்தையா இயக்கி உள்ளார். ஸ்டூடியோ கிரீன் சார்பில் ஞானவேல்ராஜா தயாரித்துள்ளார். படம் வருகிற 2ந் தேதி வெளிவருகிறது. இந்த நிலையில் கொம்பன் படம் ஒரு ஜாதியை உயர்த்தியும், ஒரு ஜாதியை தாழ்த்தியும் எடுக்கப்பட்டிருப்பதாக சில ஜாதி சங்க தலைவர்கள் அறிக்கை வெளியிட்டனர். சிலர் வழக்கு போட்டுள்ளனர்.
இந்த நிலையில் இதற்கு விளக்கம் அளித்து தயாரிப்பாளர் ஞானவேல்ராஜா விடுத்துள்ள அறிக்கை வருமாறு:
ஸ்டூடியோ கிரீன் நிறுவனம் பல நல்ல திரைப்படங்களை தயாரித்து மக்களிடம் நன்மதிப்பை பெற்றிருக்கும் நிறுவனம். ஏப்ரல் 2 அன்று எங்கள் நிறுவனத்தின் தயாரிப்பில் கார்த்தி, ராஜ்கிரண், லட்சுமிமேனன் நடித்து, முத்தையா இயக்கதில் வெளியாக இருக்கும் கொம்பன் திரைப்படம் குறித்து எழுந்துள்ள சர்ச்சைகள் எங்களுக்கு மிகுந்த மனவேதனையை ஏற்படுத்தியுள்ளது.
இந்த திரைப்படத்தில் எந்த ஒரு ஜாதியை குறிக்கும் காட்சியமைப்போ, வசனங்களோ இடம்பெறவில்லை. இது முழுக்க முழுக்க ஒரு குடும்பத்தில் மாமனாருக்கும், மருமகனுக்கும் இடையே நடக்கும் பாசப்போராட்டம் சம்பந்தமான கதை. இதில் குறிப்பிட்ட ஜாதியை உயர்த்தியோ, அல்லது குறிப்பிட்ட ஜாதியை தாழ்த்தியோ எந்த ஒரு கருத்தும் இடம்பெறவில்லை என்பதை உறுதியாக தெரிவித்துக் கொள்கிறோம்.
யூகத்தின் அடிப்படையில் கொம்பன் திரைப்படம் பற்றி தவறான கருத்துகள் பேசப்பட்டு வருகின்றன. படம் வெளிவந்தவுடன் இவை அனைத்தும் அடிப்படையற்றவை என்பது அனைவருக்கும் தெரியவரும். பல கோடி செலவில், பலரது கடின உழைப்பில் உருவாகியுள்ள கொம்பன் திரைப்படம் மக்களை சென்றடைவதற்கு அனைத்து தரப்பினரும் முழுமையான ஒத்துழைப்பு தர வேண்டுகிறோம்.
இவ்வாறு அந்த அறிக்கையில் கூறப்பட்டுள்ளது.