ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு | தயாரிப்பு நிறுவனம் தொடங்கிய நெல்சன் | நாக சைதன்யா, பூஜா ஹெக்டேவை இயக்கும் விருபாக்ஷா இயக்குனர் | ஜூன் 13ல் வெளியாகும் ‛இந்தியன் 2' | தெலுங்கிற்கே முன்னுரிமை தரும் 'குபேரா' குழு | ஒரு அப்டேட் கூட வரவில்லை, வருத்தத்தில் அஜித் ரசிகர்கள் | இளம் இசையமைப்பாளர் பிரவீண் குமார் மரணம் | ஏப்ரல் மாதத்திலும் தொடர்ந்த ஏமாற்றம் - 2024 ஏப்ரல் படங்கள் ஓர் பார்வை | ‛ஆனந்த ராகம்' பாடிய அபூர்வ குரல் உமா ரமணன் காலமானார் |
கொம்பன் படம் வெளியிட தடை கோரிய வழக்கில், ஓய்வு பெற்ற நீதிபதிகள் மற்றும் வழக்கறிஞர்கள் குழு படத்தை பார்வையிட்டு, அறிக்கை தாக்கல் செய்ய, சென்னை உயர் நீதிமன்ற மதுரை கிளை உத்தரவிட்டது.
டிரைலர் ரிலீஸ்:
மதுரை கிளையில், புதிய தமிழகம் கட்சி நிறுவனர் கிருஷ்ணசாமி தாக்கல் செய்த மனு: ஞானவேல் ராஜா தயாரிப்பில், முத்தையா இயக்கத்தில் வெளியாக உள்ள, கொம்பன் படத்தின் டிரைலர், மார்ச் முதல்வாரம் வெளியானது. படத்தின் பெயரே, வன்முறையை தூண்டும் வகையில் உள்ளது. இரு சமூகத்திற்கு இடையே, 100 ஆண்டுகளாக நிலவும் பிரச்னை மற்றும் ராமநாதபுரம் மாவட்டத்தை மையமாகக் கொண்டு எடுக்கப்பட்டுள்ளது. இது போன்ற படங்கள், மக்களிடம் பெரும் தாக்கத்தை ஏற்படுத்தும். சினிமா துறையில் உள்ள என் நண்பர்கள், படத்தின் வசனங்கள், காட்சிகள், இரு சமூகத்தினரை மற்றும் இரண்டு தேசிய தலைவர்களை, மறைமுகமாக அவமதிக்கும் வகையில் உள்ளது என்றனர். இதையடுத்து, படத்திற்கு சான்றிதழ் அளிக்கக்கூடாது என, மண்டல திரைப்பட தணிக்கைக்குழு தலைவரிடம் மனு அளித்தேன். மத்திய திரைப்பட தணிக்கை வாரிய தலைவருக்கு படத்தை அனுப்பினர். படத்தை விரைவில் வெளியிட ஏற்பாடு நடக்கிறது. படம் வெளியானால் சமூக அமைதி பாதிக்கும்.
தடை வேண்டும்:
மத்திய திரைப்பட தணிக்கை வாரியம் சான்றிதழ் அளிக்கவும், தியேட்டர்களில் படம் வெளியிடவும் தடை விதிக்க வேண்டும். நீதிபதிகள் முன் படத்தை திரையிட்டு, தணிக்கை வாரிய வழிகாட்டுதல்களுக்கு உட்பட்டு, படம் எடுக்கப்படுள்ளதா என, முடிவு செய்ய வேண்டும். இவ்வாறு, மனுவில் குறிப்பிட்டார்.
படத்தை பார்க்கணும்:
மனுவை விசாரித்த, நீதிபதிகள் எஸ்.தமிழ்வாணன், வி.எஸ்.ரவி ஆகியோர் அடங்கிய, பெஞ்ச் பிறப்பித்த உத்தரவு: மனுதாரர் மற்றும் அவரது தரப்பில் மூன்று வழக்கறிஞர்கள், தயாரிப்பாளர் மற்றும் அவரது தரப்பில் மூன்று வழக்கறிஞர்கள், ஓய்வு பெற்ற இரண்டு நீதிபதிகள் ஆகியோர் அடங்கிய குழு, 31ம் தேதி (இன்று) காலை, 8:00 மணி முதல், 10:00 மணிக்குள், சென்னையில் படத்தை பார்க்க வேண்டும். பின், படம் குறித்து, அறிக்கை தாக்கல் செய்ய வேண்டும். அதனடிப்படையில் உத்தரவு பிறப்பிக்கப்படும். இவ்வாறு, நீதிபதிகள் உத்தரவிட்டனர்.