நாக சைதன்யா, பூஜா ஹெக்டேவை இயக்கும் விருபாக்ஷா இயக்குனர் | ஜூன் 13ல் வெளியாகும் ‛இந்தியன் 2' | தெலுங்கிற்கே முன்னுரிமை தரும் 'குபேரா' குழு | ஒரு அப்டேட் கூட வரவில்லை, வருத்தத்தில் அஜித் ரசிகர்கள் | இளம் இசையமைப்பாளர் பிரவீண் குமார் மரணம் | ஏப்ரல் மாதத்திலும் தொடர்ந்த ஏமாற்றம் - 2024 ஏப்ரல் படங்கள் ஓர் பார்வை | ‛ஆனந்த ராகம்' பாடிய அபூர்வ குரல் உமா ரமணன் காலமானார் | ஒரு பாடலுக்கு நடனம் : விஜய் படத்தை நிராகரித்த ஸ்ரீ லீலா | இயக்குனருடன் சண்டை : படப்பிடிப்பை நிறுத்திய சவுந்தர்யா ரஜினிகாந்த் | மலையாளத்தில் மட்டுமே வெளியான நிவின்பாலி படம் |
ராகவா லாரன்ஸ் இயக்கி நாயகனாக நடித்து வரும் படம் 'காஞ்சனா 2'. இந்தப் படத்தில் நாயகியாக டாப்ஸீ நடிக்கிறார். தனது முந்தைய படங்களைப் போலவே இந்தப் படத்தையும் ஒரு பேய்ப் படமாக உருவாக்கி வருகிறார் ராகவா லாரன்ஸ். இதற்கு முன் ராகவா லாரன்ஸ் இயக்கத்தில் வெளியான 'காஞ்சனா' படத்தில் அப்பாவி இளைஞனாக ஒரு கதாபாத்திரத்திலும் 'காஞ்சனா' என்ற பேயாக பெண் தோற்றம் கொண்ட கதாபாத்திரத்திலும் நடித்திருந்தார். இந்தப் படத்தில் நான்கு விதமான பெண் பேய் கதாபாத்திரத்தில் ராகவா லாரன்ஸ் நடித்திருப்பதாக தகவல்கள் வெளியாகியுள்ளன.
15, 25, 40, 60 ஆகிய வயதில் பெண் தோற்றம் கொண்ட பேயாக ராகவா லாரன்ஸ் இந்தப் படத்தில் நடிக்கிறாராம். 'காஞ்சனா' படத்தில் ஒரே ஒரு பெண் பேய் தோற்றத்தில்தான் நடித்திருந்தார். 'காஞ்சனா 2' படத்திற்காக சிறப்பு மேக்கப்புகளுடன் நான்கு விதமான பெண் போய் தோற்றத்தில் மிரட்டலாக நடித்திருக்கிறார் என பட வட்டாரங்களிலிருந்து தகவல் கசிந்துள்ளது. படத்தின் பெயரையும் 'முனி 3 - கங்கா' என்பதிலிருந்து 'காஞ்சனா 2' என்று மாற்றியுள்ளதாலும் அது உண்மை என்றுதான் நம்பத் தோன்றுகிறது.
2013ம் ஆண்டே இப்படத்தின் படப்பிடிப்பு ஆரம்பமானது. பல்வேறு காரணங்களால் இடையில் நிறுத்தப்பட்டு மீண்டும் படப்பிடிப்பு ஆரம்பமாகி தற்போது இறுதிக் கட்டத்தை அடைந்துள்ளது. இடையில் ராகவா லாரன்ஸுக்கும் உடல்நிலை சரியில்லாமல் போனதும் படத்தின் தாமதத்திற்குக் காரணமாக அமைந்தது. படத்தை கோடை விடுமுறையில் வெளியிட திட்டமிட்டு வருகிறார்களாம்.