விரைவில் 'பாகுபலி' அனிமேஷன் சீரிஸ் | 'சங்கமித்ரா' படம் உருவாகும், சுந்தர் சி நம்பிக்கை | நடனத்தை கிண்டலடித்தவர்களுக்கு உருக்கமாக கோரிக்கை வைத்த ஜிமிக்கி கம்மல் நடிகை | பிரபாஸ் படத்திற்காக மகாபலிபுரத்தில் முகாமிட்டுள்ள தமன் | இல்லாத மகளைப் பற்றி மகன் கேட்டால் என்ன சொல்வேன்? - நவ்யா நாயர் கிண்டல் | ரிவால்வர் ரீட்டா படப்பிடிப்பு நிறைவு | பகலறியான்: ஒரே இரவில் நடக்கும் கதை | 'லயன் கிங்' அடுத்த பாகம் தயாராகிறது: டிசம்பரில் ரிலீஸ் | ரசவாதியில் சித்த வைத்தியரின் கதை : சாந்தகுமார் | எம்.ஜி.ஆர் மாதிரி செயல்படுவேன்: 10 டிராக்டர் வழங்கி ராகவா லாரன்ஸ் பேச்சு |
மிஷ்கின் இயக்கிய சித்திரம் பேசுதடி படத்தில் வாளமீனுக்கும் விளங்க மீனுக்கும் கல்யாணம், அஞ்சாதேயில் கத்தாழ கண்ணால குத்தாதே, யுத்தம் செய் படத்தில் கன்னித்தீவு பொண்ணா போன்ற குத்துப்பாட்டுக்கள் மெகா ஹிட்டாக அமைந்தன. அதோடு அந்த படங்களின் வெற்றிக்கு உறுதுணையாகவும் இருந்தன. கடைசியாக அவர் இயக்கிய ஓநாயும் ஆட்டுக்குட்டியும் படத்தில் பாடல்களே இடம்பெறவில்லை. ஆனால் அந்த படமோ வெற்றி பெறவில்லை. இதையடுத்து, மிஷ்கினிடத்தில் உங்கள் படங்களுக்கு குத்துப்பாடல்கள்தானே இதுவரை பலமாக இருந்துள்ளன. ஆனால் நீங்கள் எதற்காக அதை வெறுக்கிறீர்கள்? என்று கேள்வி எழுப்பினால்,
அதற்கு, குத்துப்பாடல்கள்தான் சினிமாவில் எனக்கு பிடிக்காத விசயமே. இதற்கு முந்தைய எனது படங்களில் அந்த மாதிரி பாடல்கள் இடம்பெற்றது என்றால் அதற்கு தயாரிப்பாளர்களின் வற்புறுத்தல்தான் காரணம். அதனால்தான் எனக்கு பிடிக்காத விசயங்கள் என் படங்களில் இடம்பெற்று வந்தன என்கிறார்.
மேலும், குத்துப்பாடல்களுக்காக படம் ஓடுகிறது என்பதை என்னால் ஏற்க முடியாது. அந்த படங்களின் கதையும், காட்சியமைப்புகளும்தான் வெற்றிக்கு மூலகாரணம். குத்துப்பாடல்களே வெற்றியை தீர்மானிக்கின்றன என்றால், இன்றைக்கு குத்துப்பாட்டு இல்லாத படமே இல்லை. ஆனால் அப்படி இடம்பெறுகிற எல்லா படங்களும் வெற்றி பெறுவதில்லையே என்றும் எதிர்கேள்வி கேட்கும் மிஷ்கின், எதிர்காலத்தில் நான் இயக்கும் எந்தவொரு படத்திலும் இதுபோன்ற குத்துப்பாட்டுகள் இடம்பெறாது. காரணம், குத்துப்பாட்டுகளை நம்பி நானில்லை என்றும் திட்டவட்டமாக சொல்கிறார் அவர்.