Dinamalar

படம் வெளியாகி ஒரு வருடம் கழித்து மம்முட்டியின் ‛டர்போ' புரோமோ பாடல் ரிலீஸ் ; ரசிகர்கள் கிண்டல்

நடிகர் மம்முட்டி நடிப்பில் கடந்த வருடம் மலையாளத்தில் ‛டர்போ' என்கிற ஆக்சன் படம் வெளியானது. இந்த படத்தை ‛புலிமுருகன்' பட இயக்குனர் வைசாக் இயக்கியிருந்தார். ‛போக்கிரி ராஜா, மதுர ராஜா' ஆகிய படங்களைத் தொடர்ந்து மம்முட்டியும் வைசாக்கும் கூட்டணி சேர்ந்த மூன்றாவது படம் என்பதால் எதிர்பார்ப்பு அதிகம் இருந்தது. ஆனால் படம் எதிர்பார்த்த வெற்றியை பெற தவறியது. கடந்த வருடம் மே மாதம் இந்த படம் வெளியான நிலையில் தற்போது ஒரு வருடம் கழித்து ‛டர்போ ஜோஸ்' என்கிற புரோமோ பாடலை படக்குழுவினர் வெளியிட்டுள்ளனர்.

இந்த பாடலை மம்முட்டியும் தனது சோசியல் மீடியா பக்கத்தில் பகிர்ந்து கொண்டுள்ளார். இந்த நேரத்தில் இந்த பாடலை எதற்காக வெளியிட்டார்கள் என்பது தெரியவில்லை. ஆனால் இந்த புரோமோ பாடல் ரசிகர்களிடம் வரவேற்பைப் பெறவில்லை என்பதுடன் ரசிகர்களின் கிண்டலுக்கும் ஆளாகியுள்ளது.

இது குறித்து கமெண்ட் தெரிவித்துள்ள ரசிகர்கள், “என்ன ஒரு பாடல் இது.. பாடலின் துவக்கத்திலேயே நான் இதை கேட்பதை நிறுத்தி விட்டேன் என்றும் ஒருவேளை இந்த பாடல் படம் ரிலீஸ் ஆவதற்கு முன்பே வெளியாகியிருந்தால் டர்போ படத்தையே நான் பார்த்திருக்க மாட்டேன் என்றும் படம் வெளியாவதற்கு முன்பே இதை ரிலீஸ் செய்யாமல் நல்ல விஷயம் செய்தீர்கள் படக்குழுவினரே” என்றும் ரசிகர்கள் இந்த பாடலை ட்ரோல் செய்து வருகின்றனர்.

• செய்திகள்
• வந்த படங்கள்

• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு
• 
  ஏஐ தொழில்நுட்பத்தில் இரட்டை வேடங்களில் நடிக்கும் சன்னி லியோன்
• 
  50 ஆண்டுகளுக்குப் பிறகு ஒரிஜினல் கிளைமாக்ஸ் உடன் சர்வதேச திரைப்பட ...
• 
  என் அம்மா அளவுக்கு என்னால் சினிமாவில் சாதிக்க முடியாது : ஜான்வி கபூர்

• 
  நிவின்பாலியின் 'சர்வம் மாயா' ரிலீஸ் தேதி அறிவிப்பு
• 
  மோகன்லாலுக்கு விருது கிடைத்ததை கொண்டாடிய திரிஷ்யம் படக்குழு
• 
  8 மாதங்களுக்கு பிறகு மீண்டும் படப்பிடிப்புக்கு திரும்பும் மம்முட்டி
• 
  ஏஐ வீடியோக்கள், ஆபாச தளம் : டில்லி உயர்நீதி மன்றத்தில் நாகார்ஜுனா வழக்கு
• 
  எனது அந்த இரண்டு படங்களை ஜனாதிபதி குறிப்பிட்டது ஏன் : மோகன்லால் விளக்கம்