Dinamalar

மஞ்சு மனோஜுக்குத் திருப்பம் தந்த 'மிராய்'

தெலுங்குத் திரையுலகத்தின் முக்கிய குடும்பங்களில் ஒன்று நடிகர் மோகன் பாபு குடும்பம். ரஜினியின் மிக நெருங்கிய நண்பர் மோகன்பாபு. அவருடைய மூத்த மகன் விஷ்ணு மஞ்சு, இளைய மகன் மஞ்சு மனோஜ், மகள் லட்சுமி மஞ்சு ஆகியோரும் தெலுங்கு சினிமாவில் நடித்து வருகிறார்கள்.

விஷ்ணு மஞ்சு கதாநாயகனாக நடித்து சமீபத்தில் வெளிவந்த 'கண்ணப்பா' படம் நல்ல வரவேற்பைப் பெற்றது. அற்புதமாக உருவாக்கப்பட்ட அந்தப் படம் வசூல் ரீதியாக ஏனோ பெரிய வரவேற்பைப் பெறவில்லை. அதே சமயம் மஞ்சு மனோஜ் வில்லனாக நடித்து கடந்த வாரம் வெளிவந்த 'மிராய்' படம் 100 கோடி வசூலை நெருங்கி வருகிறது. அந்தப் படத்தில் மனோஜின் வில்லத்தன நடிப்பை திரையுலகினரே பாராட்டி வருகிறார்கள்.

சுப்பிரமணிய சிவா இயக்கத்தில் தனுஷ், சாயா சிங் நடித்து வெளிவந்து பெரும் வெற்றி பெற்ற 'திருடா திருடி' படத்தின் தெலுங்கு ரீமேக்கான 'தொங்கா தொங்கடி' படம் மூலம் கதாநாயகனாக அறிமுகமானவர் மஞ்சு மனோஜ். அதன்பின் தொடர்ந்து தெலுங்கில் நடித்து வருகிறார். சூரி, சசிகுமார், நடித்து வெளிவந்த 'கருடன்' படத்தின் தெலுங்கு ரீமேக்கான 'பைரவம்' படத்தில் மூன்று கதாநாயகர்களில் ஒருவராக நடித்தார்.

'மிராய்' படத்தின் டிரைலரை ரஜினிகாந்த் பாராட்டியதை மனோஜ் தமிழிலேயே எக்ஸ் தளத்தில் பதிவிட்டிருந்தார். அதனால்தான் அந்தப் படம் தமிழிலும் ரசிகர்களிடம் சென்றடைந்தது. தமிழ் நன்றாகப் பேசத் தெரிந்த 'மிராய்' வெற்றி தனக்கு தமிழிலும் நடிக்கும் வாய்ப்பை ஏற்படுத்திக் கொடுக்கும் என்ற நம்பிக்கையுடன் இருக்கிறாராம் மஞ்சு மனோஜ்.

• 
  ரூ.60 கோடி மோசடி : நடிகைகள் ஏக்தா கபூர், பிபாஷா பாசுவுக்கு சிக்கல்
• 
  பணம் தேவைப்பட்டது; கட்டாயத்தால் நடிக்க வந்தேன்: இயக்குனர் அனுராக் ...
• 
  திஷா பதானி வீட்டில் துப்பாக்கி சூடு நடத்தியவர்கள் என்கவுன்டரில் ...
• 
  கிரிஷ் 4ம் பாகத்தில் இணையும் ராஷ்மிகா?
• 
  ஹுமா குரோசிக்கு காதலருடன் ரகசியமாக நிச்சயதார்த்தம் நடந்ததா?

• 
  'ஓ.ஜி' படத்தின் டிரைலர் ரிலீஸ் தேதி அறிவிப்பு!
• 
  திரிஷ்யம் 3 ரிலீஸ் முதலில் மலையாளத்தில்.. பிறகுதான் ஹிந்தியில் : ஜீத்து ...
• 
  உன்னி முகுந்தன் விலகிய நிலையில் மார்கோ 2ம் பாக டைட்டில் அறிவிப்பு
• 
  125 கோடியில் உருவாகும் சம்பரலா ஏடிக்கட்டு
• 
  மோகன்லாலுக்கே தெரியாமல் அவர்மீது 12 வருட கோபம் : இயக்குனர் சத்யன் ...