Dinamalar

தீபாவளி போட்டியில் இதுவரையில் 5 படங்கள்

தமிழ் சினிமாவில் இரண்டு முக்கியமான ரிலீஸ் நாட்களாக பொங்கல் மற்றும் தீபாவளி பண்டிகை நாட்கள் அமையும். அந்த விதத்தில் இந்த வருட தீபாவளிக்கு கடும் போட்டி இருக்கும் என்று எதிர்பார்க்கப்படுகிறது. உச்ச நட்சத்திரங்கள் படம் எதுவும் வரவில்லை என்றாலும் வளரும் நட்சத்திரங்களின் படங்கள் அந்த போட்டியை ஏற்படுத்தி உள்ளது.

மாரி செல்வராஜ் இயக்கத்தில், துருவ் விக்ரம், அனுபமா பரமேஸ்வரன் நடித்துள்ள 'பைசன்', சண்முகம் முத்துசாமி இயக்கத்தில், ஹரிஷ் கல்யாண், அதுல்யா நடித்துள்ள 'டீசல்', விக்னேஷ் சிவன் இயக்கத்தில், பிரதீப் ரங்கநாதன், எஸ்ஜே சூர்யா, கிரித்தி ஷெட்டி நடித்துள்ள 'லவ் இன்சூரன்ஸ் கம்பெனி', கீர்த்திஸ்வரன் இயக்கத்தில், பிரதீப் ரங்கநாதன், மமிதா பைஜு, சரத்குமார் நடித்துள்ள 'டுயூட்', ராம் சக்ரி இயக்கத்தில் சமுத்திரக்கனி, கவுதம் மேனன் நடிக்கும் 'கார்மேனி செல்வம்' ஆகிய படங்கள் தீபாவளியை முன்னிட்டு வெளியாக உள்ளதாக அறிவிக்கப்பட்டுள்ளது.

இவற்றில், பிரதீப் ரங்கநாதன் நடித்துள்ள இரண்டு படங்களான 'லவ் இன்ஷுரன்ஸ் கம்பெனி' மற்றும் 'டுயூட்' ஆகிய இரண்டு படங்களில் ஏதாவது ஒரு படம்தான் அன்றைய தினத்தில் வெளியாகும். மற்றொன்று தள்ளிப் போகும் எனத் தெரிகிறது. ஆனாலும், அது பேச்சு வார்த்தைக்குப் பிறகே முடிவாகும். இந்த 5 படங்களுடன் தீபாவளி வெளியீடு நிற்குமா அல்லது மேலும் சில படங்கள் போட்டியில் சேருமா என்பது போகப் போகத் தெரியும்.

ஒவ்வொரு படமும் வெளியீட்டிற்கு முன்பாக ஒரு எதிர்பார்ப்பை ஏற்படுத்தியுள்ளது. பெரிய நடிகர்களின் படங்கள் இல்லை என்றாலும் இந்தப் படங்களுடன் இந்த வருட தீபாவளி கொண்டாட்டம் சினிமாவில் சிறப்பாகவே இருக்கும் என்று எதிர்பார்க்கப்படுகிறது.

• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்
• 
  ரிலீஸாகி எட்டு மாதங்களுக்குப் பிறகு ஓடிடியில் வெளியாகும் சித்தாரே ஜமீன் ...
• 
  துரந்தர் படம் பாகிஸ்தான் ரசிகர்களுக்கும் பிடிக்கும் : ஆதித்யா தர்

• 
  வேண்டுமென்றே சர்ச்சை... நீக்காவிட்டால் சட்ட நடவடிக்கை: ராஷ்மிகா ...
• 
  சிம்புவை அணுகிய சூர்யா 47 படக்குழு
• 
  பிளாஷ்பேக்: பாடலாசிரியராக, வசனகர்த்தாவாக கலையுலகின் கவனம் ஈர்த்த ...
• 
  காமெடி கலந்த க்ரைம் த்ரில்லர் படங்கள்: இந்த வார ஓடிடி வரவுகள்...!
• 
  என் மனைவி ஆர்த்தி இல்லை என்றால் தயாரிப்பாளராகி இருக்க மாட்டேன் : ...