Dinamalar

விஷால் வீட்டில் 4வது காதல் திருமணம்

நடிகர் விஷால், சாய் தன்ஷிகா திருமண நிச்சயதார்த்தம் நேற்று காலை நடந்தது. சென்னை அண்ணாநகரில் உள்ள விஷால் வீட்டில் நிச்சயதார்த்தம் நடக்கும் என்று பலரும் எதிர்பார்த்த நிலையில், சென்னை தி.நகரில் உள்ள பிளாட்டில் சிம்பிளாக நிச்சயதார்த்தம் நடந்தது. அங்கே ஏன் என்று விசாரித்தால் அந்த பிளாட்டை விஷால் புதிதாக வாங்கியிருக்கிறார். அங்கேயும் வசிக்கப்போகிறார், அதனால் சென்டிமென்ட்டாக நிச்சயதார்த்தம் நடந்தது என்கிறார்கள்.

இந்த நிகழ்வில் சினிமாகாரர்கள் கலந்துகொள்ளவில்லை. இரு வீட்டை சேர்ந்த நெருங்கிய உறவினர்கள் மட்டுமே கலந்துகொண்டனர். நவம்பர் மாதம் அல்லது நடிகர் சங்க புது கட்டடம் திறக்கப்பட்ட அடுத்த முகூர்த்தத்தில் நடிகர் சங்க கட்டடத்தில் விஷால் தன்சிகா திருமணம் நடக்க உள்ளது.

விஷால் வீட்டில் இது 4வது காதல் திருமணம். அவர் அப்பா ஜி.கே.ரெட்டி, அம்மா ஜானகி தேவி இருவருமே அந்த காலத்திலேயே காதல் திருமணம் செய்தவர்கள். விஷால் அப்பா அரசுப் பணியில் இருந்தவர், பின்னர் கிரனைட் பிஸினஸ், சினிமா தயாரிப்பாளர் என மாறியவர்.

சினிமா தயாரிப்பாளர், நடிகராக இருந்த விஷால் அண்ணன் விக்ரம் கிருஷ்ணா, நடிகை ஷ்ரியா ரெட்டியை காதல் திருமணம் செய்தார். விஷால் தங்கை ஐஸ்வர்யா, கிரிஷ் திருமணமும் காதல் திருமணம்தான். அந்தவகையில் அவர் வீட்டில் இது 4வது காதல்.

இப்போது ரவி அரசு இயக்கத்தில் மகுடம் படத்தில் நடித்து வரும் விஷால், அதற்கடுத்து சுந்தர்.சி இயக்கும் படத்தில் நடிக்கப் போகிறார். யோகிடா என்ற படத்தில் அதிரடி போலீசாக நடித்து இருக்கிறார் தன்ஷிகா. அந்த படம் விரைவில் வரப்போகிறது.

• செய்திகள்
• ஆல்பம்
• வால் பேப்பர்கள்
• வந்த படங்கள்

• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...
• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு

• 
  ஓங்கி குத்த வேண்டும் : விஜய் பேச்சால் நடிகர் ரஞ்சித் ஆவேசம்
• 
  ரூ. 300 கோடி வசூல் சாதனை படைத்த மகாவதார் நரசிம்மா
• 
  அறிவழகன் இயக்கத்தில் அதிதி ஷங்கர்
• 
  மிஷ்கின் இயக்கத்தில் கீர்த்தி சுரேஷ்
• 
  நடிகர்களுக்கு எதிராக செய்யப்படும் 'பெய்டு விமர்சனம்' : தமிழ் ...