ரஜினி, தனுஷுக்கு அடுத்ததாக பிரதீப் ரங்கநாதனை பார்க்கிறேன் ; நாகார்ஜுனா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

15 அக், 2025 - 10:25 IST

எழுத்தின் அளவு:

I-see-Pradeep-Ranganathan-next-to-Rajinikanth-and-Dhanush-Nagarjuna

தமிழ் சினிமாவில் இரண்டு படங்களிலேயே முன்னணி இளம் நடிகர் வரிசைக்கு உயர்ந்துள்ளார் நடிகர் பிரதீப் ரங்கநாதன். அந்த வகையில் தற்போது அவர் கார்த்தீஸ்வரன் இயக்கத்தில் நடித்துள்ள 'டியூட்' திரைப்படம் வரும் தீபாவளி ரிலீஸ் ஆக நாளை மறுநாள் (அக்.,17) வெளியாக இருக்கிறது. இந்த படத்தில் கதாநாயகியாக மமிதா பைஜூ நடிக்க, முக்கிய வேடத்தில் சரத்குமார் நடித்துள்ளார்.

சமீபத்தில் இதன் தெலுங்கு புரமோஷன் நிகழ்ச்சி ஒன்றில் படக்குழுவினர் கலந்து கொண்டபோது அங்கே செய்தியாளர்களில் ஒருவர் நீங்கள் ஹீரோ மெட்டீரியல் இல்லையே என்று ஒரு சர்ச்சையான கேள்வியை முன் வைத்தார். இது குறித்து பிரதீப் ரங்கநாதன் அமைதியாக பதில் அளித்து கடந்து சென்று விட்டாலும் அந்த சந்திப்பில் சரத்குமார் அவருக்கு ஆதரவாக பேசினார். இதை தொடர்ந்து இன்னும் சில பிரபலங்கள் பிரதீப் ரங்கநாதனுக்கு ஆதரவாக குரல் கொடுத்து வருகின்றனர்.

இந்த நிலையில் தெலுங்கு புரமோஷனில் ஒரு பகுதியாக நடிகர் நாகார்ஜுனா நடத்தி வரும் பிக்பாஸ் நிகழ்ச்சியில் சிறப்பு விருந்தினராக பங்கேற்றார் பிரதீப் ரங்கநாதன். அப்போது இந்த ஹீரோ மெட்டீரியல் சர்ச்சைக்கு பதில் அளிக்கும் விதமாக அவருக்கு ஆதரவாக பேசிய நாகார்ஜுனா, “சில தலைமுறைகளுக்கு முன்பு ஒரு தீப்பொறி போல சினிமாவிற்குள் நுழைந்து அதன் போக்கையே ஒருவர் மாற்றினார். அவர் பெயர் ரஜினிகாந்த்.. அதன்பிறகு அதேபோல சில வருடங்களுக்கு முன்பு இன்னொரு தீப்பொறி போல ஒருவர் நுழைந்து இளைஞர்களின் மனதில் இடம் பிடித்தார். அவர் பெயர் தனுஷ். இன்னும் சில வருடங்கள் கழித்து இதோ தற்போது நான் பிரதீப் ரங்கநாதனை பார்க்கிறேன்” என்று கூறினார்.

அவரது பேச்சால் நெகிழ்ந்து போன பிரதீப் ரங்கநாதன், “சார் இது உண்மையிலேயே மிகப்பெரிய வார்த்தைகள்.. அதுவும் உங்களிடமிருந்து இந்த வார்த்தைகள் வரும்போது இந்த உலகமே எனக்கு என்பது போல தோன்றுகிறது” என்று கூறினார்.

Dude

Pradeep Ranganathan

Nagarjuna

Rajinikanth

கருத்துகள் (0) கருத்தைப் பதிவு செய்ய

'ஏஜென்ட் மிர்ச்சி' ; ஸ்ரீ லீலாவின் ...

‛அங்கமாலி டைரீஸ்' பட இயக்குனரின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய