Dinamalar

கூலியில் கவனம் பெற்ற லொள்ளு சபா மாறன்

லோகேஷ் கனகராஜ் இயக்கத்தில் ரஜினிகாந்த் நடிப்பில் மிகவும் எதிர்பார்க்கப்பட்ட கூலி திரைப்படம் நேற்று வெளியானது. கலவையான விமர்சனங்களை பெற்றுள்ள இந்த படத்தில் நாகார்ஜுனா, அமீர்கான், உபேந்திரா சவுபின் சாஹிர் போன்ற மற்ற மொழி பிரபலங்கள் தங்களது பங்களிப்பை சிறப்பாக கொடுத்திருக்கிறார்கள். அதேசமயம் நம் உள்ளூர் நடிகர்கள் சிலரும் கூலி படத்தின் மூலம் கவனம் பெற்று வெளிச்சத்திற்கு வந்திருக்கிறார்கள். அதில் குறிப்பிட்டு சொல்ல வேண்டுமென்றால் நடிகர் லொள்ளு சபா மாறன்.

சந்தானம் சின்னத்திரையில் நடித்து வந்த லொள்ளு சபா நிகழ்ச்சியில் அவருடன் இணைந்து பயணித்தவர் காமெடி நடிகர் மாறன். அதன் பிறகு சினிமாவில் இவர் நடித்தாலும் கூட பெரும்பாலும் அது சந்தானத்தின் படங்களாக மட்டுமே இருந்து வந்தது. சமீபகாலமாக தான் ஜே பேபி உள்ளிட்ட சில படங்களில் குணச்சித்திர நடிப்பை இவர் வெளிப்படுத்தி வந்தார். இந்த நிலையில் கூலி படத்தின் துவக்கத்தில் இருந்து கிளைமாக்ஸ் வரை ரஜினியுடன் இணைந்து பயணிக்கும் விதமாக முக்கியத்துவம் வாய்ந்த ஒரு கதாபாத்திரத்தில் மாறன் நடித்திருந்தது அவரது நடிப்பை ரசிக்கும் பலருக்கும் ஆச்சரியம் தருவதாக இருந்தது.

குறிப்பாக இந்த படத்தில் யோகிபாபு போன்ற ஒரு முன்னணி நகைச்சுவை நடிகருக்கு பதிலாக, ரஜினியின் நண்பர் போல இணைந்து பயணிக்கும் கதாபாத்திரத்தில் மாறன் நடித்துள்ளார். நகைச்சுவை, சென்டிமென்ட் மற்றும் கிளைமாக்ஸில் கொஞ்சம் ஆக்சன் காட்சிகள் என அவர் இந்த படத்தில் தனக்கு கொடுக்கப்பட்ட வாய்ப்பை மிக சரியாக பயன்படுத்தி இருக்கிறார். இதற்கு பிறகு தமிழ் சினிமாவில் மாறனை நோக்கி பல இயக்குனர்களின் பார்வை திரும்பும் என்றும் நல்ல வாய்ப்புகள் அவரை தேடி வரும் என்றும் எதிர்பார்க்கலாம்.

• 
  விமர்சனங்களில் பின்னடைவைச் சந்திக்கும் 'வார் 2'
• 
  ரூ.60 கோடி பண மோசடி : நடிகை ஷில்பா ஷெட்டி, கணவர் ராஜ்குந்த்ரா மீது ...
• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...

• 
  யாரும் சங்கத்தை விட்டு விலகவில்லை : ஓட்டளித்த பின் மோகன்லால் பேட்டி
• 
  50 ஆண்டு சினிமா பயணம் : ரஜினிக்கு அந்த ஒரு ஏக்கம் மட்டுமே...!
• 
  ராம் சரணின் அலைப்பேசி எண்ணை அவர் மனைவி எப்படி பதிந்து வைத்துள்ளார் ...
• 
  பிளஷ்பேக் : குண்டு கல்யாணத்தை தெரியும், குண்டு கருப்பையாவை தெரியுமா?
• 
  பிளாஷ்பேக் : லலிதா பத்மினிக்காக உருவான நாவல்