முக்கிய காட்சிகள் கட், பாம்புடன் வந்த ரசிகர் : கலீஜா ரீ ரிலீஸ் கலாட்டா

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

31 மே, 2025 - 01:36 IST

எழுத்தின் அளவு:

Key-scenes-cut,-fan-who-came-with-snake-Khaleejah-re-releases-Galatta

சமீப காலமாகவே தமிழ் திரையுலகை போலவே தெலுங்கிலும் முன்னணி நடிகர்கள் பல வருடங்களுக்கு முன்பு நடித்து ஹிட்டான படங்கள் அவ்வப்போது ரீ ரிலீஸ் செய்யப்பட்டு வருகின்றன. கடந்த வாரம் ராஜமவுலி இயக்கத்தில் ஜூனியர் என்டிஆர் நடிப்பில் பல வருடங்களுக்கு முன்பு வெளியான எமதொங்கா திரைப்படம் ரிலீஸ் ஆனது. ஆனால் படம் பார்க்க வந்த பல ரசிகர்கள் படம் பிடிக்காமல் இடைவேளையிலேயே எழுந்து சென்றதையும் பார்க்க முடிந்தது.

இந்த நிலையில் அதேபோல மகேஷ்பாபு நடிப்பில் கடந்த 2010ல் வெளியான கலீஜா திரைப்படம் நேற்று ரீ ரிலீஸ் செய்யப்பட்டது. திரிவிக்ரம் ஸ்ரீனிவாஸ் இயக்கிய இந்தப்படத்தில் அனுஷ்கா கதாநாயகியாக நடித்திருந்தார். ஆனால் இந்த ரீ ரிலீஸில் படத்தில் சில முக்கியமான காட்சிகள் இடம் பெறவில்லை என்று ரசிகர்கள் பல திரையரங்குகளில் கூச்சல் போட்டு திரைப்படத்தை நிறுத்தினர். இது குறித்த வீடியோக்கள் சோசியல் மீடியாவில் வெளியாகி உள்ளன.

அதுமட்டுமல்ல படத்தில் மகேஷ்பாபு தனது கையில் பாம்பு ஒன்றை பிடித்தபடி வரும் காட்சி இருக்கிறது. நேற்று படம் பார்க்க வந்த ரசிகர் ஒருவரும் அதேபோல தனது கையில் பாம்புடன் வந்திருக்கிறார். பலரும் அதை பொம்மை பாம்பு என்று நினைத்து இருக்கின்றனர். ஆனால் அருகில் வந்த பிறகுதான் அது நிஜமான பாம்பு என தெரியவந்துள்ளது. அதன்பிறகு அந்த ரசிகரை திரையரங்கு நிர்வாகத்தினர் கட்டுப்படுத்தி வெளியே அனுப்பினார்கள். சிப்படி சில கலாட்டாக்கள் நடந்த நிலையில், நீக்கப்பட்ட காட்சிகள் அனைத்தும் சேர்க்கப்பட்டு பிரஷாக கலீஜா திரையிடப்பட்டுள்ளது என்று புதிய அறிவிப்பு வெளியாகியுள்ளது.

Khalejarerelease

Maheshbabu

கருத்துகள் (0) கருத்தைப் பதிவு செய்ய

ஜூன் 20ல் வெளியாகும் சுரேஷ் கோபியின் ...

கண்ணப்பா சம்பள விஷயத்தில் விஷ்ணு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய