Dinamalar

தமிழிலிருந்து பிறந்த கன்னடம்… கமலுக்கு ஆதரவாக ரஜினிகாந்த், விஜய் அறிக்கை வெளியிடுவார்களா?

'தக் லைப்' படத்தின் நிகழ்ச்சி நடந்த போது நடிகர் கமல்ஹாசன், 'தமிழிலிருந்து பிறந்த கன்னடம்' என்று குறிப்பிட்டுப் பேசினார். அது கன்னடர்களின் மத்தியில் சர்ச்சையை எழுப்பி படத்தின் பேனர்களை கிழிப்பதில் ஆரம்பித்து, படத்திற்குத் தடை விதிக்கப்படும் அளவிற்குப் போய் உள்ளது.

கமல்ஹாசனுக்கு ஆதரவாக சில அரசியல் கட்சித் தலைவர்கள், திரைப்படப் பிரபலங்கள் சிலர் அறிக்கை வெளியிட்டுள்ளனர். பொதுப் பிரச்னைகளுக்குக் குரல் கொடுப்பவர் என்பதில் நடிகர் ரஜினிகாந்த்திற்கு ஒரு முக்கியத்துவம் உண்டு. அதுபோல தனது கட்சியின் பெயரிலேயே 'தமிழக வெற்றிக் கழகம்' என வைத்துள்ள, அடிக்கடி அறிக்கை வெளியிடும் விஜய்யும் இந்த விவகாரத்தில் தற்போது குறி வைக்கப்பட்டுள்ளனர்.

கன்னடத்தைத் தாய் மொழியாகக் கொண்ட ரஜினிகாந்த், அரசியல் கட்சித் தலைவராகவும் இருக்கும் விஜய் ஆகியோர் இந்த சர்ச்சை விவகாரத்தில் கமல்ஹாசனுக்கு ஆதரவாகக் குரல் கொடுப்பார்களா, அல்லது அறிக்கை வெளியிடுவார்களா என சமூக வலைத்தளங்களில் விவாதம் ஆரம்பமாகி உள்ளது.

'தக் லைப்' படம் அடுத்தவாரம் கர்நாடகாவில் வெளியாவதில் சிக்கல் என்பதுதான் இப்போதைய நிலை. மன்னிப்பு கேட்க மாட்டேன் என கமல்ஹாசன் கூறியுள்ளார். எனவே, ரஜினி, விஜய் இந்த விவகாரத்தில் கமலுக்கு ஆதரவு தெரிவித்தால் அவர்களது படங்களும் அங்கு வெளியாவதில் சிக்கல் ஏற்படலாம். எனவே, அவர்கள் குரல் கொடுக்க மாட்டார்கள் என்றே தெரிகிறது.

• 
  ஒருவர் பின் ஒருவராக போகிறார்கள் ; நண்பர் மறைவால் அமிதாப் பச்சன் வேதனை
• 
  பாலிவுட் நடிகை கேரளாவில் திடீர் திருமணம்
• 
  சாய் பல்லவி நடித்துள்ள ஏக் தின் ஹிந்தி படத்தின் டிரைலர் வெளியானது
• 
  மும்பை துப்பாக்கிச்சூடு சம்பவத்தை மையப்படுத்தி உருவாகும் படத்தில் ...
• 
  துரந்தர் பட ரசிகர்களுக்கு சர்ப்ரைஸ்

• 
  ‛ஜெயிலர் 2' படப்பிடிப்பில் யோகி பாபுவிடம் அடிக்கடி சந்தேகத்தை நிவர்த்தி ...
• 
  ‛ஆடு 3' படத்தில் ஐட்டம் டான்ஸ் ஆடி இருக்கிறாரா நிகிலா விமல் ? ; இயக்குனர் ...
• 
  ஷோரூம் திறப்பு விழாவில் அரசியல் பஞ்ச் டயலாக் பேசிய ரவி மோகன்!
• 
  தனது 100வது படத்தில் முதல் பட நாயகனான மோகன்லாலை நடிக்க வைக்கும் ...
• 
  அஜித்துக்கு 30 லட்சம் மதிப்பிலான காரை பரிசளித்த மஹிந்திரா நிறுவனம்!