‛கூலி' படத்திலிருந்து ‛மோனிகா' பாடல் வெளியீடு | கொடைக்கானல் மலை கிராமம் பின்னணியில் உருவாகும் 'கெவி' | மகிழ்ச்சியாக இருக்கிறேன், பேச்சு வரலை : விஜய்சேதுபதி மகன் உருக்கம் | வித்யா பாலனுக்கு நன்றி சொன்ன மலையாள காமெடி நடிகர் | திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் டாக் | காலில் செருப்பு அணியாமல் என்னை பக்குவப்படுத்திக் கொள்கிறேன் : விஜய் ஆண்டனி | பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே கண்டுபிடித்த போலீசார் | மேலாளரை உன்னி முகுந்தன் தாக்கவில்லை ; நீதிமன்றத்தில் அறிக்கை சமர்ப்பித்த போலீசார் | ரஜினி ஒரு புத்திசாலி, கத்தியைப் போல கூர்மையானவர் : ஸ்ருதிஹாசன் | அல்லு அர்ஜுன், அட்லி படத்தில் வில்லனாகும் ஹாலிவுட் நடிகர் |
'விடுதலை' இரண்டு பாகங்களின் வெற்றியை தொடர்ந்து சூர்யா நடிப்பில் 'வாடிவாசல்' படத்தை இயக்கவுள்ளார் வெற்றிமாறன். இப்படத்திற்கான முதல்கட்ட பணிகள் தற்போது மும்முரமாக நடந்து வருகிறது. படம் பற்றிய அறிவிப்பு 2021ல் வெளியான நிலையில், இதுவரை படப்பிடிப்பு துவங்காத நிலையில், இந்த முறை வாடிவாசல் படத்தை எடுத்த பிறகே அடுத்த படத்தை துவங்குவதில் உறுதியாக உள்ளார் வெற்றிமாறன்.
இந்த நிலையில் வெற்றிமாறன் அளித்த பேட்டி ஒன்றில், வாடிவாசல் படத்திற்கு அடுத்ததாக தனுஷை வைத்து ஒரு படம் இயக்க உள்ளதாக தெரிவித்துள்ளார். இப்படத்தை வேல்ஸ் பிலிம் இன்டர்நேஷனல் நிறுவனம் தயாரிக்க உள்ளதாம். ஏற்கனவே தனுஷ் நடிப்பில் இயக்குனர்கள் விக்னேஷ் ராஜா, மாரி செல்வராஜ் இயக்க உள்ள படங்களை தயாரிப்பதாக வேல்ஸ் நிறுவனம் அறிவித்திருந்தது. அதை முடித்ததும் வெற்றிமாறன் படத்தை துவங்குகின்றனர்.
வெற்றிமாறன் - தனுஷ் கூட்டணி என்றாலே ரசிகர்களின் எதிர்பார்ப்பு அதிகரிப்பது வழக்கம்தான். 'பொல்லாதவன், ஆடுகளம், வடசென்னை, அசுரன்' ஆகிய படங்களில் இவர்கள் இணைந்து பணிபுரிந்துள்ளனர். இதில் ‛வடசென்னை 2' படம் எப்போது துவங்கும் என பல ஆண்டுகளாக ரசிகர்கள் கேட்டு வந்த நிலையில் இவர்கள் கூட்டணி மீண்டும் இணைவது ‛வடசென்னை 2' படத்திற்கா அல்லது வேறு புதிய கதைக்கா என்பது இனிமேல் தான் தெரியவரும்.