மே 10 ரிலீஸில் இணைந்த ரசவாதி | நடிகர் சங்கத்திற்கு நெப்போலியன் ஒரு கோடி நிதி | ரெட்ட தல படப்பிடிப்பு துவங்கியது | எவரெஸ்ட் சிகரத்திற்கு டிரக்கிங் சென்ற ஜோதிகா | போட்டோ சூட் நடத்திய நிறைமாத கர்ப்பிணி அமலா பால் | அரிவாளுடன் விக்ரம் நிற்கும் வீர தீர சூரன் போஸ்டர் : போலீசுக்கு பறந்த புகார் | குழந்தை பிறப்பை தள்ளி போடாதீர்கள் - சீரியல் நடிகை ஜூலி அட்வைஸ் | 100 நாட்களைக் கடந்த ‛வேட்டையன்' படப்பிடிப்பு | வில்லன் நடிகருடன் பிரேக்கப்பா? - புகைப்படம் மூலம் முற்றுப்புள்ளி வைத்த காதலி | இறுதிக்கட்ட படப்பிடிப்பில் திரிஷாவின் ஐடென்டிட்டி |
அஜீத்தின் 53வது படத்தை இயக்கிய விஷ்ணுவர்தன், ஒரு வருடமாக அதற்கான தலைப்பை யோசிக்க முடியாமல் திணறிக்கொண்டிருக்கிறார். இதனால் அஜீத்தின் ரசிகர்கள் கோபத்தின் உச்சத்திற்கே சென்று கொண்டிருக்கிறார்கள். அட, ஒரு படத்துக்கு பெயர் வைக்கிறதுல அவ்ளோ பிரச்சினையா? எங்ககிட்ட கதைய சொன்னா நாங்களே பொருத்தமான தலைப்ப வச்சிட்டுப்போறோம் என்கிற அளவுக்கு வார்த்தைகளை கொட்டத் தொடங்கி விட்டார்கள். இருப்பினும் வழிக்கு வருவதாக இல்லை விஷ்ணுவர்தன். யோசிக்கிறார் யோசிக்கிறார் யோசித்துக்கொண்டேயிருக்கிறார்.
இந்த நிலையில், அஜீத்தின் 54வது படத்தை இயக்கும் சிறுத்தைப்பட இயக்குனர் சிவா, அப்படத்தின் தலைப்பு சுராங்கனி என்று முதலில் வைத்திருந்தவர் இப்போது விநாயகம் பிரதர்ஸ் என்று பெயர் வைத்து விட்டாராம். இப்படத்தில் அஜீத் மற்றும் அவரது தம்பியாக விதார்த் உள்பட சில நடிர்களும் நடிக்கிறார்கள். படத்தில் அஜீத்தின் கேரக்டரின் பெயர் விநாயகம் என்பதால், விநாயகம் பிரதர்ஸ் என்ற பெயரை அவர் வைத்திருப்பதாகவும் கூறப்படுகிறது.
என்றாலும், இந்த தகவலை அஜீத் ரசிகர்கள் நம்பத்தயாராக இல்லை. இப்படித்தான், முதலில் 53வது படத்துக்கு வலை என்று நினைத்தோம். பொய்யாகி விட்டது. சம்பந்தப்பட்டவர்களாக ஒரு அதிகாரப்பூர்வ அறிவிப்பு விடாதபட்சத்தில் எதையும் நாங்க நம்பத்தயாராக இல்லை என்று சொல்லிக்கொண்டிருக்கிறார்கள்.