Dinamalar

அஜித்தின் அடுத்த படமும் தெலுங்கு நிறுவனத்திற்கே..??

தமிழ் சினிமா நடிகர்கள் தமிழ்த் திரைப்படத் தயாரிப்பாளர்கள் அல்லாது மற்ற மொழி தயாரிப்பாளர்களின் படங்களில் நடிப்பதற்கு முன்னுரிமை தருகிறார்கள். அது இங்குள்ள தமிழ் திரைப்படத் தயாரிப்பாளர்களைக் கோபமடைய வைத்துள்ளது என ஏற்கெனவே சொல்லியிருந்தோம்.

அஜித் நடித்து கடந்த வாரம் வெளிவந்த 'குட் பேட் அக்லி' படத்தைத் தெலுங்கு தயாரிப்பு நிறுவனமான மைத்ரி மூவி மேக்கர்ஸ் நிறுவனம் தயாரித்தது. தனது அடுத்த படத்தை இயக்கும் வாய்ப்பை ஆதிக் ரவிச்சந்திரனுக்கே அஜித் கொடுத்துள்ளார் என்று சொல்லப்படுகிறது. அந்தப் படத்தை மைத்ரி நிறுவனமே தயாரித்தாலும் ஆச்சரியப்படுவதற்கில்லை என்கிறார்கள்.

இதற்கிடையில் அந்தப் படத்தை இயக்கும் வாய்ப்பை தெலுங்கு இயக்குனர் ஒருவருக்குத் தரலாம் என்றும் அந்த நிறுவனம் விரும்புகிறதாம்.

பொதுவாக ஒரு இயக்குனர் அல்லது ஒரு தயாரிப்பு நிறுவனம் தனக்குப் பிடித்துவிட்டால் அவர்களுடன் அடுத்தடுத்து படங்கள் செய்வார் அஜித். இதற்கு முன்பும் அதற்கு உதாரணம் உள்ளது. அஜித் யாரை கை காட்டுகிறாரோ அவர்கள்தான் அடுத்த தயாரிப்பாளர், அடுத்த இயக்குனர். அதுவரையில் பல யூகமான செய்திகள் வந்து கொண்டுதான் இருக்கும்.

• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு
• 
  எனது சொகுசு பங்களா வீடியோவை உடனே நீக்குங்கள்! - ஆலியா பட் வைத்த ஆவேச ...

• 
  காஞ்சனா 4 படத்தில் ராஷ்மிகா மந்தனா?
• 
  ரஜினி - கமலை இணைத்து படம் இயக்க ஆசைப்படும் கே.எஸ்.ரவிக்குமார்
• 
  என்னை பிரபலப்படுத்தாதீங்க... : அஜித் பேச்சு
• 
  சினிமாவில் பாலகிருஷ்ணா 50 : வாழ்த்திய ரஜினி
• 
  சமோசா மீது எனக்கு தனி லவ் : தமன்னா