கார்த்திக் சுப்பராஜ் இயக்கத்தில் சூர்யா, பூஜா ஹெக்டே, ஜோஜூ ஜார்ஜ், ஜெயராம், கருணாகரன் உள்ளிட்ட பலரது நடிப்பில் உருவாகியுள்ள படம் ரெட்ரோ. சந்தோஷ் நாராயணன் இசையமைத்துள்ள இந்த படம் மே ஒன்றாம் தேதி திரைக்கு வருகிறது. இந்நிலையில் இன்று இயக்குனர் கார்த்திக் சுப்புராஜின் 42வது பிறந்த நாளை ஒட்டி ரெட்ரோ படத்தை தயாரித்திருக்கும் 2டி நிறுவனம் 55 வினாடிகள் கொண்ட ஒரு வீடியோவை வெளியிட்டுள்ளது. அந்த வீடியோவில், ரெட்ரோ படத்தின் முக்கிய காட்சிகள் மற்றும் சில காட்சிகளை சூர்யா நடிப்பில் கார்த்திக் சுப்புராஜ் படமாக்கும் மேக்கிங் வீடியோவும் இணைக்கப்பட்டுள்ளது. இந்த வீடியோவின் இறுதியில் படக்குழு கார்த்திக் சுப்புராஜ்க்கு பிறந்தநாள் வாழ்த்து தெரிவித்துள்ளார்கள்.