Subscription 
சிறப்புச்செய்திகள்
பாலிவுட்டில் கவனம் செலுத்தும் ராஷி கண்ணா | பவிஷின் ‛லவ் ஓ லவ்' முதல்பார்வை வெளியீடு | ஒரே வாரத்தில் ஆயிரம் கோடி வசூல் செய்த துரந்தர் 2 | நேரடி ஓடிடி ரிலீஸ் : விஜய் சேதுபதி நடிக்கும் காட்டான் முதல் வரிசை கட்டும் புதுவரவுகள் | ஐஸ்வர்யா ராய் பார்த்து நடிக்க ஆசைப்பட்டேன்: அபிநயா | கோவாவில் செட்டில் ஆகிறாரா ரவிமோகன் | 'எல்ஐகே' படத்தால் மாறிய 'காளிதாஸ் 2, லீடர்' வெளியீடுகள் | தாய்லாந்து தீவில் விஜய் தேவரகொண்டா, ராஷ்மிகா ஹனிமூன் | பிரசாந்த் நடிக்க வேண்டிய 'பூவே உனக்காக' : தேடிப் போன விஜய் அப்பா…! | 'பெத்தி' படப்பிடிப்பில் ராம்சரணுக்கு கண்ணில் காயம் பட்டதா ? படக்குழுவினர் விளக்கம் |
'கேம் சேஞ்ஜர்' பாடல்கள்: நடன இயக்குனர்களை குறை சொன்ன தமன்
ஷங்கர் இயக்கத்தில், தமன் இசையமைப்பில், ராம் சரண், கியாரா அத்வானி, எஸ்ஜே சூர்யா மற்றும் பலர் நடிப்பில் வெளிவந்த தெலுங்குப் படம் 'கேம் சேஞ்ஜர்'. படுதோல்வியை சந்தித்த படத்தின் பாடல்களும் எதிர்பார்த்த வரவேற்பைப் பெறவில்லை. இந்தப் படத்தைப் பெரிதும் நம்பியிருந்தார் இசையமைப்பாளர் தமன்.
'பாய்ஸ்' படத்தில் தன்னை நடிகராக அறிமுகப்படுத்திய இயக்குனர் ஷங்கருடன் இசையமைப்பாளராக அவர் பணிபுரிந்த முதல் படம். படத்தின் தோல்வியும், பாடல்கள் வரவேற்பைப் பெறாததும் அவரை நிறையவே வருத்தப்பட வைத்துள்ளது.
சமீபத்திய 'பாட்காஸ்ட்' ஒன்றில் 'கேம் சேஞ்ஜர்' பாடல்கள் வரவேற்பைப் பெறாமல் போனதற்கான காரணத்தைத் தெரிவித்துள்ளார்.
“ஒரு பாடல் என்பது இசை சம்பந்தப்பட்டது மட்டுமல்ல. என்னால் 25 மில்லியன் பார்வைகள் வரை ஈர்க்க முடியும். ஒரு மெலடி பாடல் 50 மில்லியன் பார்வைகளை வரவழைக்கும். ஆனால், அதன்பின் நடன இயக்குனர்களின் கையில் உள்ளது. அந்தப் பாடல் திரையில் வரவேற்பைப் பெற வேண்டும். நடன இயக்குனர்கள் சரியான அசைவுகளை வைக்க வேண்டும்.
'கேம் சேஞ்ஜர்' படத்தில் 'ஜருகண்டி, ரா மச்சா ரா, ஹைரானா' ஒரு பாடலில் கூட 'ஹுக் ஸ்டெப்' இல்லை. ஆனால், 'அலா வைகுந்தபுரம்லோ' பாடலில் ஒவ்வொரு பாடலிலும் சரியான 'ஹுக் ஸ்டெப்' இருந்தது. நடன இயக்குனர் மற்றும் நாயகன் அதற்குப் பொறுப்பானவர்கள். நடனம் சரியாக இருந்தால், அதை ஒளிப்பதிவாளரும் அற்புதமாக படம் பிடிப்பார். 'கேம் சேஞ்ஜர்' படத்தில் அது தவறாகப் போய்விட்டது. 'ஹுக் ஸ்டெப்ஸ்' இல்லாததால் அது ரசிகர்களுடன் 'கனெக்ட்' ஆகாமலேயே போய்விட்டது,” என்று கூறியுள்ளார்.
தமனின் கருத்துப்படி சரியாக நடனத்தை தர வேண்டியது நடன இயக்குனர்களின் கையில் உள்ளது. அதை வாங்க வேண்டியது இயக்குனரின் பொறுப்பும் கூட. அதனால், இயக்குனர் ஷங்கரையும் சேர்த்தே குறை சொல்வது போல உள்ளது.
குட் பேட் அக்லி : ஓஜி சம்பவம் பாடல் ...
ஒரே நாளில் ஓடிடி தளத்தில் ...
- சேயோன்
- நடிகர் : சிவகார்த்திகேயன்
- இயக்குனர் :சிவகுமார் முருகேசன்
- நா நா
- நடிகர் : சசிகுமார் ,சரத்குமார்
- இயக்குனர் :NV நிர்மல்குமார்
- எங் மங் சங்
- நடிகர் : பிரபுதேவா
- நடிகை : லட்சுமி மேனன்
- இயக்குனர் :எம்எஸ் அர்ஜூன்
- கள்ளபார்ட்
- நடிகர் : அரவிந்த் சாமி
- நடிகை : ரெஜினா
- இயக்குனர் :ராஜபாண்டி
