Dinamalar

பிளாஷ்பேக்: மோசமான தோல்வியை சந்தித்த ரஜினி படம்

பொதுவாக ரஜினி படங்கள் தோல்வி அடைவதில்லை. குறைந்தது மினிமம் கியாரண்டி அவரது படங்களுக்கு இருக்கும். அப்படி இருந்தும் சில படங்கள் மோசமான தோல்வியை சந்தித்துள்ளது. அதில் முக்கியமான படம் 'சிவப்பு சூரியன்'. பிரபல இயக்குனர் முக்தா சீனிவாசன் இயக்கி இருந்தார். ரஜினியுடன் ராதா காதலியாகவும், சரிதா அக்காவாகவும் நடித்திருந்தார்கள். எம்.கர்ணன் ஒளிப்பதிவு செய்திருந்தார், எம்.எஸ்.விஸ்வநாதன் இசை அமைத்திருந்தார்.

1983ல் துடிக்கும் கரங்கள், தாய் வீடு படங்களின் வெற்றிக்குப் பிறகு முக்தா சீனிவாசனின் இயக்கத்தில் சிவப்பு சூரியன் வெளியானது. படத்தின் பெயரே ஆக்ஷனுக்குரிய கம்பீரத்துடன் இருந்ததால் ரசிகர்களிடம் இயல்புக்கு அதிகமாகவே எதிர்பார்ப்பு இருந்தது.

சிவப்பு சூரியனின் கதையை பீட்டர் செல்வராஜ் எழுதியிருந்தார். இதில் ரஜினி கடற்படை அதிகாரி . அவரது சகோதரி சரிதாவும் கணவரும் திடீரென காணாமல் போகிறார்கள். அவர்களை ரஜினி தேடி கண்டுபிடிப்பதுதான் படத்தின் கதை. இது விமர்சனத்திற்கே தகுதியற்ற படம் என்று பலரும் விமர்சித்தனர். 'சிவப்பு சூரியன் விமர்சனம்' என்று குறிப்பிட்டு சூரியனை பற்றி விஞ்ஞான தகவல்களை வெளியிட்டிருந்தது.

'இந்த மாதிரி இன்னும் நாலு படங்கள் வேண்டாம். இரண்டு படங்களில் ரஜினி நடித்தாரானால் போதும், சூப்பர் ஒருபக்கமும், ஸ்டார் ஒரு பக்கமுமாய் கழன்று போகும்'. என்று மிக கடுமையாக விமர்சித்தன. இந்த படத்தின் தோல்விக்கு பிறகு ரஜினி கதை தேர்வில் மிகுந்த கவனம் செலுத்த தொடங்கினார்.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  ஜி.வி.பிரகாஷின் ‛ஹேப்பி ராஜ்' படத்தின் பர்ஸ்ட் லுக் போஸ்டரை வெளியிட்ட ...
• 
  என்னைப் பற்றி மாதம் ஒரு வதந்தியை பரப்புகிறார்கள்! கோபத்தை ...
• 
  திருமண கோலத்தில் அம்மாவுடன் எடுத்துக் கொண்ட நெகிழ்ச்சி புகைப்படத்தை ...
• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...