Dinamalar

ரஜினியின் மூன்று முகம் ரீ ரிலீஸ் ஆகுது : ஆர்.எம்.வீரப்பன் மகன் தகவல்

சத்யா மூவீஸ் தயாரித்த படங்களுக்கு எப்போதும் தனி மரியாதை உண்டு. அந்த படங்கள் வணிகரீதியாகவும் வெற்றி பெற்றன. சத்யா மூவீஸ் நிறுவனம் ஆர்.எம்.வீரப்பன் வாழ்க்கையை, அவர் புகழை சொல்லும் வகையில் ஆர்எம்வி - தி கிங் மேக்கர் என்ற டாக்குமெண்ட்ரி படத்தை உருவாக்கி உள்ளார் அவர் மகன் தங்கராஜ் வீரப்பன்.

அவர் கூறுகையில் 'அப்பாவின் சாதனைகளை, புகழை சொல்லும் இந்த முயற்சிக்கு பலரும் ஆதரவு கொடுத்தார்கள். முதல்வர் ஸ்டாலின், நடிகர் ரஜினிகாந்த் உட்பட பலர் அப்பா பற்றி, அவருடனான அனுபவங்கள் குறித்து பேசினார்கள். இந்த டாக்குமென்ட்ரியில் இளையராஜா பாடல்கள் வருகிறது. அதற்கு தடையில்லை. காரணங்கள், அவை எங்கள் பட பாடல்கள். சத்யா மூவீஸ் படம் தயாரிக்க வேண்டும் என்பது பலரின் விருப்பமாக இருக்கிறது. நாங்களும் அதற்கு முயற்சிக்கிறோம்.

ரஜினியை வைத்து நாங்கள் தயாரித்த பாட்ஷா பெரிய ஹிட் ஆனது. மீண்டும் அவரை வைத்து படம் தயாரிக்க முயற்சிப்போம். அதற்கான கதை தயார் பண்ணிட்டு இருக்கிறோம். சத்யா மூவீஸ் தயாரித்த பாட்ஷா படம் ரீ ரிலீஸ் ஆனது. அடுத்து எம்ஜிஆரின் இதயக்கனி ரீ ரிலீஸ் ஆகி, 200 நாட்களை தாண்டி ஓடிக்கொண்டு இருக்கிறது. அடுத்து எம்ஜிஆரின் காவல்காரன் பட ரீ ரிலீஸ் டிரைலரை அவர் நினைவுநாளில் வெளியிடுகிறோம்.

அடுத்து ரஜினியின் மூன்று முகம் படத்தை அடுத்த ஆண்டு வெளியிட ஏற்பாடுகள் நடக்கிறது. எங்கள் படங்களை ரீ மாஸ்டர் பண்ணிக்கொண்டு இருக்கிறோம். என் தந்தை வாழ்ந்த, எங்கள் வீடு இருக்கும் சென்னை தி.நகர் தெருவுக்கு அவர் பெயர் சூட்ட வேண்டும் என்று முதல்வரிடம் கோரிக்கை வைக்கணும். நாங்கள் கேட்டு இருப்போம்னு உங்களுக்கு புரிந்து இருக்கும். முதல்வர் தக்க நடவடிக்கை எடுப்பார் என நம்புகிறோம்.

சென்னை தி.நகர் திருமலை பிள்ளை சாலைக்கு அவர் பெயர் வைக்க வேண்டும். அறநிலைத்துறைக்கு அவர் பல சாதனைகள் செய்ததால், அந்ததுறையில் ஒரு கட்டத்துக்கு ஆர்எம்வி பெயர் சூட்ட வேண்டும் என்று பலர் ஆசைப்படுகிறார்கள். அந்த வீட்டில்தான் பல அரசியல் முடிவுகள் எடுக்கப்பட்டன. எனக்கு அரசியல் ஆர்வம் இல்லை. நான் வெளிநாட்டில் படிக்க சென்றுவிட்டேன்'' என்றார்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்
• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...

• 
  சென்னையில் இன்று புதிதாகத் திறக்கப்பட்ட 2 தியேட்டர்கள்
• 
  தமிழ் சினிமாவின் 3 மாதங்கள்…. வசூல் 300 கோடி மட்டுமே….
• 
  இயக்குனர் மணிகண்டன் ஏன் பேசவில்லை
• 
  கர படத்தை தமிழகத்தில் வெளியிடும் ரெட் ஜெயன்ட் நிறுவனம்
• 
  பாய்ஸ் படத்தை ரீ ரிலீஸ் செய்ய தயாரிப்பாளர் திட்டம்