Dinamalar

மதராஸி - மீண்டும் பழைய படப் பெயருடன் சிவகார்த்திகேயன்

தமிழ் சினிமாவில் முன்னணி இயக்குனர்களில் ஒருவர் ஏஆர் முருகதாஸ். தற்போது சிவகார்த்திகேயன் நடிக்கும் 23வது படத்தை இயக்கி வருகிறார். இப்படம் 2023ம் ஆண்டில் அறிவிக்கப்பட்டு, கடந்த வருடம் 2024 பிப்ரவரியில் படப்பிடிப்பு ஆரம்பமானது.

ஓரிரு கட்டப் படப்பிடிப்பு நடந்ததும் ஏஆர் முருகதாஸுக்கு ஹிந்தியில் சல்மான் கான் நடிக்கும் 'சிக்கந்தர்' படத்தை இயக்க வாய்ப்பு கிடைத்தது. அதனால், இந்தப் படத்தின் படப்பிடிப்பை நிறுத்தி வைத்துள்ளார்கள். எனவே, சிவகார்த்திகேயன் 'பராசக்தி' படத்தில் நடிக்கப் போய்விட்டார்.

ஏஆர் முருகதாஸ், 'சிக்கந்தர்' படத்தின் படப்பிடிப்பை முடித்ததும்தான் சிவகார்த்திகேயன் படத்தை மீண்டும் இயக்க வருவார் என்று சொல்கிறார்கள். இந்நிலையில் இந்தப் படத்திற்கான அப்டேட் கொடுத்து நீண்ட நாட்களாகிவிட்டதால் இன்று சிவகார்த்திகேயனின் பிறந்தநாளில் படத்தின் பெயரை 'மதராஸி' என அறிவித்துள்ளார்கள்.

இதே பெயரில் அர்ஜுன் இயக்கம் நடிப்பில் 2006ல் ஒரு படம் வெளிவந்தது. அப்படத்தின் பெயரை அவரது அனுமதியுடன்தான் வைத்திருப்பார்கள் என நம்பலாம்.

சிவகார்த்திகேயன் நடித்து வரும் 'பராசக்தி' படப் பெயரும் பழைய படப் பெயர்தான். கடந்த வருடம் அவர் நடித்து வெளிவந்த 'அமரன்' படமும் பழைய படத்தின் பெயர்தான்.

“எதிர் நீச்சல், காக்கி சட்டை, வேலைக்காரன், மாவீரன், அமரன், பராசக்தி” ஆகிய பட்டியலில் பழைய படப் பெயருடன் சிவகார்த்திகேயனின் மற்றொரு படமாக 'மதராஸி' இணைகிறது.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  விஜய் சேதுபதியின் தங்கை கதாபாத்திரம்: நடிகை ரோஷினி நெகிழ்ச்சி
• 
  கோட்டா சீனிவாச ராவ் மறைவு: தெலுங்கு சினிமா பிரபலங்கள் இரங்கல்
• 
  வலிகள் இல்லாமல் வாழ்க்கை இல்லை! அனுபவம் பேசும் கவிஞர் பா.விஜய்
• 
  பிளாஷ்பேக்: இளையராஜா, கண்ணதாசன், எஸ் பி பி மூவரையும் முதன் முதலில் இணைத்த ...
• 
  20 வருடமாக நானும் ஹனிரோஸும் இப்போதும் பேச்சுலர்ஸ் தான் : உருகும் மலையாள ...