Dinamalar

அஜித்துக்குப் போட்டியாக அறிவிக்கப்பட்ட விஜய் படத் தலைப்பு

எச்.வினோத் இயக்கத்தில், விஜய் நடித்து வரும் படத்திற்கு 'ஜன நாயகன்' என்ற தலைப்பு அறிவிக்கப்பட்டு நேற்று இரண்டு போஸ்டர்களையும் வெளியிட்டிருந்தார்கள். ஆனால், பட வெளியீட்டுத் தேதி எப்போது என்பது அறிவிக்கப்படவில்லை. அக்டோபர் மாதம் அல்லது அடுத்த ஆண்டு பொங்கலுக்கு இப்படம் வெளிவரும் என்று திரையுலகத்தில் பேசப்படுகிறது. ஆனால், அக்டோபர் மாதமே படம் வெளிவந்துவிடும் என்பதுதான் உறுதியான தகவல்.

இன்னும் ஒன்பது மாதங்களுக்குப் பிறகு வர வேண்டிய படத்தின் தலைப்பை இப்போதே அறிவிக்க வேண்டிய அவசியம் என்ன என்று ஒரு கேள்வி எழுந்தது. விஜய்க்கு சரியான போட்டியாக இருக்கும் ஒரே நடிகர் அஜித். கடந்த சில பல வருடங்களாகவே இருவருக்குமான திரையுலக மோதல், சமூக வலைத்தள மோதல் அதிகமாகவே இருக்கிறது.

இந்நிலையில் அஜித்திற்கு பத்ம பூஷன் விருது வழங்கப்பட உள்ளதாக கடந்த சில நாட்களுக்கு முன்பே திரையுலகில் ஒரு தகவல் கசிந்துள்ளது. அப்படி அறிவிக்கப்பட்டால் அது விஜய்க்கு ஒரு 'இமேஜ் டேமேஜ்'--ஐ ஏற்படுத்தும். விஜய்க்கு முன்பாகவே அஜித்துக்கு இந்திய அரசின் உயரிய விருதுகளில் ஒன்று வழங்கப்படுவது அஜித்தின் பெருமையை உயர்த்துவதாக அமையும்.

சமீபத்தில் அவர் கார் ரேஸில் கலந்து கொண்ட போது அது இந்திய அளவிலான கவனத்தை மட்டும் ஈர்க்காமல் உலக அளவிலான கவனத்தை ஈர்த்தது. விஜய் அரசியல் களத்தில் இறங்கினாலும் இன்னும் ஒரு ஆரம்ப கட்ட அங்கீகாரம் கிடைக்கவில்லை. எனவே, இந்த சமயத்தில் அஜித் மீதான ஊடகங்களின் பார்வையை திசை திருப்பவே படத் தலைப்பு அறிவிப்பை வெளியிட்டார்களாம்.

ரசிகர் மன்றம் இல்லாமல், எந்த பட்டப் பெயர் உள்ளிட்ட சினிமாவில் சலசலப்பை ஏற்படுத்தும் விஷயம் எதுவும் செய்யாமல் அஜித்துக்குக் கிடைக்கும் வரவேற்பும், முக்கியத்துவமும் விஜய் தரப்பை எரிச்சலூட்டுகிறது என்று சொல்கிறார்கள். எதற்கெடுத்தாலும் வாழ்த்து சொல்லும் வழக்கத்தை வைத்திருக்கும் விஜய், இதுவரையில் அஜித்திக் கார் ரேஸ் வெற்றி குறித்தும், பத்ம பூஷன் விருது குறித்தும் வாழ்த்து தெரிவிக்கவில்லை என்பது குறிப்பிடத்தக்கது.

• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி
• 
  ஹிந்தி பிக்பாஸ் சீசன் 19 நிகழ்ச்சியின் மீது 2 கோடி நஷ்ட ஈடு கேட்டு வழக்கு
• 
  ஏஐ தொழில்நுட்பத்தில் இரட்டை வேடங்களில் நடிக்கும் சன்னி லியோன்

• 
  என் படங்களுக்காக ரசிகர்களை எதிர்ப்பார்ப்புடன் காத்திருக்க வைப்பேன்! - ...
• 
  விளையாட்டால் நிகழும் பிரச்னையே ‛கேம்' : சொல்கிறார் ஷ்ரத்தா ஸ்ரீநாத்
• 
  ஜீவாவின் 'தலைவர் தம்பி தலைமையில்' படத்தின் பர்ஸ்ட் லுக் போஸ்டர் ...
• 
  கமல் பிறந்தநாள் : ரீ-ரிலீஸாகும் ‛நாயகன்'
• 
  படிப்புக்கும் நடிப்புக்கும் சம்பந்தமில்லை: பள்ளிகால அனுபவம் பகிர்ந்த ...