Dinamalar

பவன் கல்யாண் பட அக்ரிமெண்டில் சிக்கி பட வாய்ப்புகளை இழந்த நிதி அகர்வால்

தெலுங்கு நடிகை நிதி அகர்வால் தமிழில் 'ஈஸ்வரன், கலகத்தலைவன்' உள்ளிட்ட சில படங்களில் கதாநாயகியாக நடித்தவர். தெலுங்கில் முன்னணி கதாநாயகியாக பல படங்களில் நடித்து வந்த இவர் கடந்த சில வருடங்களாகவே பெரிய அளவில் படங்களில் நடிக்கவில்லை. பவன் கல்யாண் நடிப்பில் உருவாகி வரும் 'ஹரிஹர வீர மல்லு' படமும் மற்றும் பிரபாஸ் நடிக்கும் 'ராஜா சாப்' படத்திலும் மட்டுமே கதாநாயகியாக நடித்து வருகிறார். எதற்காக இவருக்கு வாய்ப்பு வரவில்லை என்கிற காரணத்தை சமீபத்தில் ஒரு பேட்டியில் கூறியுள்ளார் நிதி அகர்வால்.

அதாவது 2021 கோவிட்டுக்கு முன்பாக ஹரிஹர வீரமல்லு படத்தில் கதாநாயகியாக நடிக்க ஒப்பந்தமான நிதி அகர்வால் அப்போது பவன் கல்யாணின் அரசியல் பயணம் மற்றும் கோவிட் ஆகியவை காரணமாக எப்போதெல்லாம் பவன் கல்யாணுக்கு படப்பிடிப்பு இருக்கிறதோ அப்போதெல்லாம் இவர் வந்து நடிக்க வேண்டும் என்று ஒப்பந்தத்தில் கையெழுத்து போட்டுள்ளாராம். அதனால் வேறு படங்களில் நடிக்க கால்ஷீட் கேட்டு வந்தபோது சரியான தேதிகளை கொடுக்க முடியாததால் அந்த பட வாய்ப்புகளை இழந்தேன் என கூறியுள்ளார்.

ஆனால் ஹரிஹர வீரமல்லு படத்தின் படப்பிடிப்பு தள்ளிக்கொண்டே போனது. ஒரு கட்டத்தில் ராஜா சாப் படத்தில் பிரபாஸுக்கு ஜோடியாக நடிக்கும் மிகப்பெரிய வாய்ப்பு அவரை தேடி வந்தது. அப்போது பட தயாரிப்பு நிறுவனத்திடம் நிலைமையைச் சொல்லி அந்த படத்தில் நடிக்க அனுமதி கேட்டபோது ஏதோ பெரிய மனதுடன் அந்த படத்தில் நடிக்க அனுமதித்தார்களாம். இதனால் ஹரிஹர வீரமல்லுவின் படப்பிடிப்பு பாதிக்கப்பட்டு விடக்கூடாது என்ற நிபந்தனையையும் விதித்துள்ளனர் என்று கூறியுள்ளார். இதனால் தற்போது இரண்டு படங்களின் படப்பிடிப்புக்காக ஹைதராபாத், விஜயவாடா என்று மாறிமாறி பயணித்து நடித்து வருகிறாராம் நிதி அகர்வால்.

• செய்திகள்
• வந்த படங்கள்

• 
  உயிரோடு இருப்பேனா என அச்சம் ஏற்பட்டது ; லாஸ் ஏஞ்சல்ஸ் தீ விபத்தில் ...
• 
  ஹிந்தியில் எதிர்பார்த்ததை விட அதிகமாக வசூலித்த ‛கேம் சேஞ்ஜர்'
• 
  பாலிவுட்டின் மகா ஆரோக்கிய கேம்ப் அறிமுக விழாவில் விந்து தாரா சிங், பூனம் ...
• 
  பூச்சிக் கொல்லி மருந்து நிறுவனங்களின் மறுபக்கத்தை காட்டும் காஜல் ...
• 
  'எமர்ஜென்சி' படம் பார்க்க பிரியங்காவுக்கு கங்கனா அழைப்பு

• 
  துருவ நட்சத்திரம் படத்திற்கு யாரும் உதவவில்லை: கவுதம் மேனன் வருத்தம்
• 
  வாழ்க்கையில் மாற்றத்தை ஏற்படுத்திய 'விடுதலை': சூரி நெகிழ்ச்சி
• 
  'ஜெயம்' வேண்டாம்; ரவி போதும்: அறிக்கை வெளியிட்டு அறிவிப்பு
• 
  மீண்டும் ரீ ரிலீஸ் ஆகும் பாட்ஷா!
• 
  ஜனவரி 17ல் தமிழில் வெளியாகும் பாலகிருஷ்ணாவின் 'டாக்கு மகாராஜ்'