Dinamalar

தாக்கப்பட்ட பத்திரிக்கையாளரிடம் மன்னிப்பு கேட்டு இழப்பீடு தர தயார் : நீதிமன்றத்தில் மோகன் பாபு மனு

தெலுங்கு சினிமாவின் முன்னணி நடிகர் மோகன் பாபு குடும்பத்துக்குள் சொத்து தகராறு நடந்து வருகிறது. தந்தையும் மகனும் சண்டை போட்டனர். இது குறித்து பேட்டி எடுப்பதற்காக, மோகன்பாபு வீட்டுக்கு பத்திரிகையாளர்கள் சென்றனர். அப்போது, மோகன்பாபு பத்திரிகையாளர் ஒருவரின் மைக்கை மைக்கை பறித்து பத்திரிகையாளர்களை தாக்கியதாக கூறப்படுகிறது.

இதில் தனியார் தொலைக்காட்சி பத்திரிகையாளர் ஒருவர் படுகாயம் அடைந்தார். மருத்துவமனையில் சிகிச்சை பெற்று வந்த அவர் இது குறித்து போலீசில் புகார் செய்தார். இந்த புகாரின் அடிப்படையில் மோகன் பாபு கைது செய்யப்படலாம் என்கிற நிலையில் மோகன் பாபு தெலுங்கானா உயர் நீதிமன்றத்தில் முன் ஜாமீன் மனு தாக்கல் செய்தார். இந்த மனுவை தெலுங்கானா உயர்நீதிமன்றம் தள்ளுபடி செய்தது. அதை எதிர்த்து உச்சநீதிமன்றத்தில் மோகன்பாபு மேல்முறையீடு செய்தார்.

இந்த மனு இரண்டு நீதிபதி அடங்கிய அமர்வு முன்பு நேற்று விசாரணைக்கு வந்தது. மோகன்பாபு தரப்பில் ஆஜரான வழக்கறிஞர் மோகன்பாபு மன்னிப்பு கேட்கவும், இழப்பீடு அளிக்கவும் தயாராக இருப்பதாக கூறினார். இதைத்தொடர்ந்து 4 வாரங்களுக்கு விசாரணையை ஒத்திவைத்த நீதிமன்றம். அதுவரை மோகன் பாபுவை கைது செய்ய தடை விதித்தது.

• 
  பூச்சிக் கொல்லி மருந்து நிறுவனங்களின் மறுபக்கத்தை காட்டும் காஜல் ...
• 
  'எமர்ஜென்சி' படம் பார்க்க பிரியங்காவுக்கு கங்கனா அழைப்பு
• 
  குஷி கபூரிடம் ஸ்ரீ தேவியை பார்த்தேன் : அமீர்கான்
• 
  ஸ்பை ஏஜெண்டாக நடிக்கும் வாமிகா கபி
• 
  ‛மலாட் மஸ்தி' நிகழ்ச்சியில் பங்கேற்ற சோனு சூட், ஜாக்குலின், ரஷா ததானி

• 
  30 வருடத்தில் இதுவே முதல் முறை - பாடகர் உன்னி கிருஷ்ணன்
• 
  ''கார் ரேஸ் முடியும் வரை நடிக்க மாட்டேன்'': அஜித் பேட்டி
• 
  சூர்யா தோல்வி முகத்தில் இல்லை! - தயாரிப்பாளர் எஸ்.தாணு
• 
  விஷால் சிங்கம் போல் மீண்டு வருவார்! - ஜெயம் ரவி நம்பிக்கை
• 
  ஆன்லைனில் லீக்கான ஷங்கரின் கேம் சேஞ்ஜர்!