Dinamalar

மூன்றே வினாடி 'மேக்கிங் வீடியோ' : தனுஷ் கேட்ட 10 கோடி நஷ்ட ஈடு

நடிகை நயன்தாரா பற்றிய 'நயன்தாரா - பியான்ட் த பேரி டேல்' என்ற டாகுமென்டரி நாளை மறுதினம் நெட்பிளிக்ஸ் ஓடிடி தளத்தில் வெளியாக உள்ளது. நயன்தாரா, அவரது காதல் கணவர், இயக்குனர் விக்னேஷ் சிவன் இடையில் காதல் மலரக் காரணமாக இருந்த 'நானும் ரௌடிதான்' படத்தின் காட்சிகள், பாடல்கள், போட்டோக்களை பயன்படுத்த அதன் தயாரிப்பாளர் நடிகர் தனுஷிடம் 'என்ஓசி' கேட்க இரண்டு வருடங்களாகக் காத்திருந்து முடியாமல் போய் உள்ளது. அதனால், ஆவணப்படத்தில் அவற்றைப் பயன்படுத்த முடியாத காரணத்தால் திருத்தங்களைச் செய்துள்ளோம் என நயன்தாரா இன்று வெளியிட்டுள்ள அறிக்கையில் தெரிவித்துள்ளார்.

மேலும், 'நானும் ரௌடிதான்' படத்திலிருந்து 3 வினாடி காட்சிகளைப் பயன்படுத்தியதற்காக 10 கோடி நஷ்ட ஈடு கேட்டு தனுஷ் நோட்டீஸ் அனுப்பியுள்ளது பற்றியும் குறிப்பிட்டுள்ளார்.

அந்த ஆவணப்படத்தின் டிரைலர் கடந்த வாரம் நவம்பர் 9ம் தேதி நெட்பிளிக்ஸ் யு டியுப் தளத்தில் வெளியாகி உள்ளது. 2 நிமிடம் 25 வினாடிகள் ஓடும் அந்த டிரைலரின் 1 நிமிடம் 12வது வினாடி, 13வது வினாடி, 14வது வினாடிகளில் விக்னேஷ் சிவன் - நயன்தாரா, விஜய் சேதுபதி - நயன்தாரா, விக்னேஷ் சிவன் - விஜய் சேதுபதி, நயன்தாரா, ராதிகா ஆகியோர் இடம் பெற்றுள்ள மொத்தம் 3 வினாடிக்கு 'நானும் ரௌடிதான்' மேக்கிங் வீடியோ இடம் பெற்றுள்ளது. அந்த வீடியோவை அனுமதி பெறாமல் பயன்படுத்தி விட்டீர்கள் என்றுதான் தனுஷ் தரப்பிலிருந்து நோட்டீஸ் அனுப்பியுள்ளதாகத் தெரிகிறது.

அந்த 3 வினாடி வீடியோவை சமூக வலைத்தளங்களில் பலரும் பரப்பி வருகிறார்கள். இந்த 3 வினாடிக்காக 10 கோடி கேட்பது நியாயமா என்று பலரும் கமெண்ட் செய்கிறார்கள்.

அந்த வீடியோ லிங்க் : https://www.youtube.com/watch?v=KwTAGoleHAY&t=38s

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்