Dinamalar

மீண்டும் அஜித் - சிவா கூட்டணி 'வி' தலைப்புகளைத் தேடும் ரசிகர்கள்

தமிழ் சினிமாவில் வெற்றிகரமான கூட்டணியாக வலம் வந்த கூட்டணிகளில் ஒன்று அஜித் - இயக்குனர் சிவா கூட்டணி. இருவரும் இணைந்து 'வேதாளம், வீரம், விஸ்வாசம்' ஆகிய வெற்றிப் படங்களையும், 'விவேகம்' என்ற ஒரே ஒரு தோல்விப் படத்தையும் கொடுத்தனர். சிவா இயக்கத்தில் சூர்யா நடித்த 'கங்குவா' படம் நேற்று வெளிவந்தது.

'கங்குவா 2' படத்தின் படப்பிடிப்பு எப்போது தொடங்கும் என தயாரிப்பாளர் ஞானவேல் ராஜாவிடம் கேட்ட போது, “இயக்குனர் சிவா, அடுத்து அஜித் நடிக்க உள்ள படத்தை இயக்கப் போகிறார். அதற்குப் பின் அடுத்த ஆண்டு மத்தியிலோ, கடைசியிலோ 'கங்குவா 2' ஆரம்பமாகும்,” என்றார்.

'விடாமுயற்சி, குட் பேட் அக்லி' படங்களை முடித்த பின் சிவா இயக்கும் படத்தில் அஜித் நடிக்க உள்ளார் என்பது அஜித் ரசிகர்களுக்கான உறுதியான தகவலாக நேற்று கிடைத்தது. அஜித் - சிவா கூட்டணியில் வந்த படங்கள் நான்கிற்கும் 'வி' என்ற எழுத்தில் ஆரம்பமாகும் தலைப்புதான் வைக்கப்பட்டிருந்தது. அதனால், அவர்களது அடுத்த படத்திற்கும் அது போலவே 'வி' என்ற தலைப்புதான் வைப்பார்கள் என ரசிகர்களே முடிவு செய்துவிட்டார்கள்.

எனவே, சமூக வலைத்தளங்களில் நேற்றிலிருந்து 'வி' என்ற எழுத்தில் ஆரம்பமாகும் பல தலைப்புகளை ரசிகர்களே சொல்லி வருகிறார்கள். அதில் சீரியசான தலைப்புகளும் உண்டு, டிரோல் செய்யப்படும் தலைப்புகளும் உண்டு.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது
• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை