Dinamalar

என்றும் 16 ஆக இருங்கள் ; தாயின் 70வது பிறந்தநாளில் பிரித்விராஜ் வாழ்த்து

மலையாள திரையுலகின் நடிகர் பிரித்விராஜ் தென்னிந்திய அளவில் மட்டுமல்லாது பாலிவுட்டிலும் கவனிக்கத்தக்க நடிகராக வலம் வருகிறார். பல வருடங்களுக்கு முன்பு தயாரிப்பாளராகவும் மாறியவர் பின்னர் இயக்குனராகவும் மாறி மோகன்லாலை வைத்து தொடர்ந்து வெற்றி படங்களை கொடுத்து வருகிறார். தற்போது படங்களில் நடித்துக் கொண்டே இன்னொரு பக்கம் மோகன்லால் நடித்து வரும் லூசிபர் இரண்டாம் பாகமான எம்புரான் படத்தை இயக்கி வருகிறார். இவரது அண்ணன் இந்திரஜித்தும் மலையாள திரை உலகில் குறிப்பிடத்தக்க நடிகர் தான்.

இவர்களின் தந்தை மறைந்த நடிகர் சுகுமாரன். தாயார் மல்லிகா சுகுமாரன்.. அவரும் ஒரு நடிகை தான். கடந்த சில வருடங்களாக குறிப்பாக கணவரின் மறைவுக்கு பிறகு குழந்தைகளை கவனிக்க வேண்டும் என்பதற்காக நடிப்பை விட்டு ஒதுங்கிய அவர் சமீப காலமாக மீண்டும் திரைப்படங்களில் நடித்து வருகிறார். இந்த நிலையில் தற்போது அவருக்கு 70 வயது ஆகி உள்ளது. அவரது பிறந்த நாளை பிரித்விராஜ், இந்திரஜித் சகோதரர்கள் தங்களது மனைவி குழந்தைகள் சகிதமாக குடும்பத்துடன் கொண்டாடி மகிழ்ந்துள்ளனர். இது குறித்த புகைப்படங்களை தனது சோசியல் மீடியா பக்கத்தில் வெளியிட்டுள்ள நடிகர் பிரித்விராஜ், “இந்த குடும்பத்தின் இளம் உறுப்பினரான உங்களுக்கு பிறந்தநாள் வாழ்த்துக்கள்.. எப்போதுமே என்றும் 16 ஆக இருக்க வேண்டும் அம்மா” என்றும் வாழ்த்தியுள்ளார்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  ரவிதேஜாவின் 76வது படம் ரிலீஸ் தேதியுடன் அறிவிப்பு
• 
  நடிகர் விநாயகனின் விமர்சனத்திற்கு நடிகர் சலீம் குமாரின் மகன் பதில்
• 
  பாலியல் வழக்குகள் மொத்தமாக முடித்து வைப்பு : பார்வதியின் கருத்துக்கு ...
• 
  சிறுவயது தோழி மறைவு : சோகத்தில் ஷோபனா
• 
  ஆந்திர முதல்வர் சந்திரபாபு நாயுடுவை திருமணத்திற்கு அழைத்த நாகார்ஜுனா