Dinamalar

தெலுங்கில் ஹாட்ரிக் வெற்றி பெற்ற துல்கர் சல்மான்

மலையாளத் திரையுலகத்தின் சீனியர் நடிகர் மம்முட்டியின் மகன் துல்கர் சல்மான், அப்பாவைப் போலவே மலையாளத்தில் மட்டுமல்லாது தமிழ், தெலுங்கு தாண்டி ஹிந்தி ஆகிய மொழிகளிலும் நடித்து வருகிறார்.

2012ல் வெளிவந்த 'செகண்ட் ஷோ' என்ற படத்தின் மூலம் மலையாளத்தில் கதாநாயகனாக அறிமுகமான துல்கர், 2014ல் வெளிவந்த 'வாயை மூடிப் பேசவும்' படத்தின் முலம் தமிழ் சினிமாவில் அறிமுகமானார். 2018ல் தெலுங்கில் வெளிவந்த 'மகாநடி' படத்தின் மூலம் அம்மொழியிலும் நுழைந்தார்.

மறைந்த நடிகை சாவித்ரியின் பயோபிக் படமாக வந்த அப்படத்தில் சாவித்ரியின் காதலர், கணவர், நடிகர் ஜெமினி கணேசன் கதாபாத்திரத்தில் நடித்திருந்தார் துல்கர். அந்தப் படம் தெலுங்கில் மட்டுமல்லாது மற்ற மொழிகளிலும் நல்ல வரவேற்பைப் பெற்றது.

அதற்கடுத்து 2022ல் வெளிந்த 'சீதாராமம்' தெலுங்குப் படத்தில் நடித்தார் துல்கர். அந்தப் படமும் விமர்சன ரீதியாகவும், வசூல் ரீதியாகவும் வெற்றி பெற்றது. இப்போது கடந்த வாரம் தீபாவளிக்கு வந்த 'லக்கி பாஸ்கர்' தெலுங்குப் படம் அவரது மூன்றாவது தெலுங்குப் படமாக அமைந்துள்ளது. அந்தப் படத்திற்கும் நல்ல விமர்சனம் கிடைத்துள்ளது. நான்கு நாட்களில் 50 கோடி வசூலைக் கடந்துள்ளதாகத் தகவல் வெளியாகி உள்ளது.

தெலுங்கில் துல்கர் நடித்த மூன்று படங்களுமே வியாபார ரீதியாக வெற்றி பெற்று அவருக்கு ஹாட்ரிக் வெற்றியைத் தந்துள்ளது.

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  சினிமாவில் எதுவும் நிரந்தரமில்லை! : நந்திதா
• 
  அனுஷ்கா பிறந்தநாளில் வெளியான 'கதனார்' படத்தின் அழகிய போஸ்டர்!
• 
  யஷ் படத்துடன் மோதுவதில் பயமில்லை : தெலுங்கு இளம் ஹீரோ தில் பேச்சு
• 
  ராஜமவுலி, மகேஷ்பாபு படத்திலிருந்து வெளியான பிரித்விராஜ் முதல்பார்வை
• 
  கமலின் 'நாயகன்' படத்தின் ரீரிலீஸுக்கு தடை விதிக்க மறுத்த நீதிமன்றம்!