Dinamalar

பி.காம் மூன்றாம் ஆண்டில் நான்கு அரியர் வச்ச சூர்யா! மேடையில் மானத்தை வாங்கிய சிவகுமார்

சூர்யா நடிப்பில் சிவா இயக்கி உள்ள கங்குவா படத்தின் இசை விழா நேற்று சென்னையில் உள்ள நேரு உள்விளையாட்டு அரங்கில் நடைபெற்றது. நவம்பர் 14ம் தேதி திரைக்கு வரும் இந்த படத்தில் சூர்யாவுடன் திஷா பதானி, பாபி தியோல், நட்டி நடராஜ், கே.எஸ். ரவிக்குமார், கோவை சரளா உள்பட பலர் முக்கிய வேடங்களில் நடித்திருக்கிறார்கள். இப்படத்தின் ரிலீஸ் தேதி நெருங்கி விட்டதால் புரமோஷன் பணிகளில் படக்குழு தீவிரமடைந்திருக்கிறது. அதோடு இந்த படத்திற்காக பல வெளியூர்களுக்கு சென்று புரோமோஷனில் ஈடுபட்டு வருகிறார் சூர்யா. மேலும், சூர்யா, கார்த்தி நடிக்கும் படங்களின் பூஜை, இசை வெளியீட்டு விழாக்களில் அவர்களின் தந்தையான நடிகர் சிவக்குமார் தொடர்ந்து கலந்து கொண்டு வருகிறார்.

இந்த நிலையில் நேற்று கங்குவா இசை விழாவிலும் கலந்து கொண்ட சிவகுமார், சூர்யா பற்றிய ஒரு கடந்த கால தகவலை மேடையிலே சொல்லி பரபரப்பை ஏற்படுத்தினார். அவர் பேசும்போது, ‛‛சூர்யாவை பி.காம் படிப்பதற்காக சென்னையில் உள்ள லயோலா கல்லூரியில் சீட் கேட்டு சென்ற போது இடம் தர மாட்டேன் என்று சொல்லிவிட்டார்கள். அதன் பிறகு நான் பிரின்சிபாலை சந்தித்து என்ன பிரச்னை, எதற்காக என் மகனுக்கு சீட்டு தர மாட்டேன் என்று சொல்கிறீர்கள்? என கேட்டேன். அப்போது சிவாஜி கணேசனின் மகன் பி.காம் முடிக்காமல் பாதியிலேயே சென்று விட்டார். இன்னும் சில பிரபலங்களின் மகன்களும் இப்படித்தான் பாதியிலேயே சென்று விட்டார்கள் என்று சொன்னார்.

அதற்கு நான் என் பையன் அப்படி எல்லாம் செல்ல மாட்டார். கண்டிப்பாக பி.காம் முழுமையாக படித்து முடிப்பான் என்று சொல்லி சீட் வாங்கினேன். ஆனால் பி.காம் கடைசி ஆண்டில் சூர்யா நான்கு அரியர் வைத்திருந்தார். அப்போது அவரிடத்தில் என் மானத்தை வாங்கிடாதே, எப்படியாவது படித்து அரியர்சை எழுதி விடு என்று சொன்னேன். அதன்படி சூர்யாவும் கஷ்டப்பட்டு படித்து அரியர்சை எழுதி பி.காம் டிகிரி வாங்கி விட்டான்'' என்று கூறினார்.

இப்படி தான் அரியர்ஸ் வைத்திருந்த விவகாரத்தை பொதுமேடையில் தனது தந்தை சொல்லிவிட்டதால் விழாவுக்கு வந்திருந்தோர் அனைவரும் தன்னை நோக்கி பார்த்ததை அடுத்து கைகளால் தனது முகத்தை மறைத்துக் கொண்டார் சூர்யா.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  'மகாராஜ்' படத்தில் சர்ச்சை காட்சியில் நடித்தது ஏன்: ஷாலினி பாண்டே ...
• 
  டிச.,18ல் ஓடிடியில் வெளியாகும் ‛கேர்ள்ஸ் வில் பி கேர்ள்ஸ்'
• 
  பாலிவுட்டில் அறிமுகமாகும் பஹத் பாசில்
• 
  ''மனைவியின் பேச்சை கேளுங்க'': கணவன்மார்களுக்கு அட்வைஸ் செய்த அபிஷேக் ...
• 
  நடிப்புக்கு முழுக்கா?: நடிகர் விக்ராந்த் மாஸே திடீர் 'பல்டி'

• 
  ரூ.1.10 கோடி இழப்பீடு கேட்டு மாணவன் போட்ட வழக்கு : அமரன் பட செல்போன் எண் ...
• 
  சூரி படத்தில் இணைந்த தனுஷ் பட நடிகை!
• 
  ஒரு உயிர் பலி : சிறப்புக் காட்சிகளை ரத்து செய்தது தெலங்கானா அரசு
• 
  புஷ்பா 2 - முதல்நாள் வசூல் முதல் கட்டத் தகவல்
• 
  புஷ்பா 2 - அமெரிக்காவில் முதல் நாளில் 4 மில்லியன் வசூல்