ஒரே இடத்தில் சந்தித்துக்கொண்ட அமரனும் லக்கி பாஸ்கரும்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

27 அக், 2024 - 05:43 IST

எழுத்தின் அளவு:

வரும் தீபாவளி கொண்டாட்டமாக, முதல் வரிசையில் இருக்கும் முன்னணி நடிகர்களின் படங்கள் எதுவும் வெளியாகாத நிலையில் அந்த இடத்தை நோக்கி முன்னேறி வரும் சிவகார்த்திகேயனின் அமரன் திரைப்படம் வரும் அக்-31 ஆம் தேதி வெளியாகிறது. முதலில் சோலோ ரிலீஸ் என்கிற அளவில் தான் இருந்த நிலையில் தற்போது துல்கர் சல்மான் நடிப்பில் உருவாகியுள்ள லக்கி பாஸ்கர் திரைப்படமும் தீபாவளி ரேஸில் தன்னை இணைத்துக் கொண்டுள்ளது. கமல் தயாரிப்பில் ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி நடித்துள்ள அமரன் திரைப்படம் மறைந்த மேஜர் முகுந்த் வரதராஜனின் வாழ்க்கையை தழுவி ராணுவப் பின்னணியில் எடுக்கப்பட்டுள்ளது.

லக்கி பாஸ்கர் திரைப்படம் ஒரு காமெடி கலந்த திரில்லாராக உருவாகியுள்ளது. கடந்த வருடம் தனுஷை வைத்து வாத்தி என்கிற வெற்றி படத்தை கொடுத்த இயக்குனர் வெங்கி அட்லூரி இந்த படத்தை இயக்கியுள்ளார். கதாநாயகியாக மீனாட்சி சவுத்ரி நடித்துள்ளார். இந்த இரண்டு படங்களின் புரமோஷன் நிகழ்ச்சிகள் மாறி மாறி நடைபெற்று வரும் நிலையில், இரண்டு படங்களின் ஹீரோக்களும் ஒரே இடத்தில் சந்தித்துக் கொண்ட நிகழ்வும் நடந்தது.

அப்போது உடன் இருந்த லக்கி பாஸ்கர் பட நாயகி மீனாட்சி சவுத்ரி இந்த தருணத்தை புகைப்படம் எடுத்து தனது சோசியல் மீடியா பக்கத்தில் வெளியிட்டுள்ளார். இந்த சந்திப்பு குறித்து அவர் கூறும்போது, “பாஸ்கர் மற்றும் சுமதி இருவருமே முகுந்த் வரதராஜனை சந்தித்தது மிகச்சிறந்த தருணமாக இருந்தது” என்று கூறியுள்ளார். நடிகர் துல்கர் சல்மானும் இந்த புகைப்படத்தை பகிர்ந்து கொண்டு இரண்டு படங்களும் வெற்றி பெற வாழ்த்துகிறேன் என்று கூறியுள்ளார்.

Amaran

Lucky Baskhar

Sivakarthikeyan

Dulquer Salmaan

கருத்துகள் (0) கருத்தைப் பதிவு செய்ய

கங்குவா எனக்காக எழுதப்பட்ட கதை ; இசை ...

பி.காம் மூன்றாம் ஆண்டில் நான்கு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய