ரீ என்ட்ரியில் தேறுவாரா ஐஸ்வர்யா அர்ஜூன்?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

23 அக், 2024 - 09:58 IST

எழுத்தின் அளவு:

அர்ஜூனின் மூத்த மகள் ஐஸ்வர்யா. சினிமாவில் நடிக்கும் ஆசை கொண்ட ஐஸ்வர்யா, 10 ஆண்டுகளுக்கு முன்பு 'பட்டத்துயானை' என்ற படத்தில் விஷால் ஜோடியாக அறிமுகமானார். அந்த படம் வெற்றி பெறாமல் போகவே வேறு வாய்ப்புகள் அவருக்கு கிடைக்கவில்லை. தந்தையின் தயாரிப்பு நிறுவனத்தில் நிர்வாக தயாரிப்பாளராக பணியாற்றினார். அதன் பிறகு மகளின் நடிப்பு ஆசையை நிறைவேற்ற 'சொல்லிவிடவா' என்ற படத்தை அர்ஜூன் இயக்கினார். இந்த படம் 'பிரேம பரஹா' என்ற பெயரில் கன்னடத்திலும் வெளிவந்தது.

அதன்பிறகும் ஐஸ்வர்யாவுக்கு படங்கள் அமையவில்லை. இதற்கிடையில் நடிகர் தம்பி ராமையாவின் மகன் உமாபதியை காதலித்து திருமணம் செய்து கொண்டார். இப்போது திருமணத்திற்கு பிறகும் மீண்டும் நடிக்க வருகிறார். அவரது தந்தை அர்ஜூனே மகளை மீண்டும் இயக்குகிறார். ஐஸ்வர்யாவை தெலுங்கில் அறிமுகப்படுத்துவதற்காக ஒரு படத்தை இயக்க இருந்தார். அதில் நாயகனாக விஷ்வக் சென் நடிக்க ஒப்பந்தமானார். அர்ஜுனுக்கும் அவருக்கும் கருத்து வேறுபாடு ஏற்பட்டதால் விஷ்வக் சென் விலகினார்.

இந்நிலையில் தமிழ், தெலுங்கு, கன்னட மொழிகளில் 'சீதா பயணம்' என்ற படத்தை இயக்குகிறார். இந்த படத்தில் ஐஸ்வர்யா அர்ஜூன் சீதாவாக நடிக்கிறார். கன்னட நடிகர் உபேந்திராவின் உறவினர் நிரஞ்சன் நாயகனாக நடிக்கிறார். இதை அர்ஜுனின் ஸ்ரீராம் பிலிம்ஸ் தயாரிக்கிறது. இந்த படம் ஐஸ்வர்யாவுக்கு நல்லதொரு ரீ என்ட்ரியை கொடுக்க வேண்டும் என்று ரசிகர்கள் எதிர்பார்க்கிறார்கள்.

Aishwarya Arjun

Sita Payanam

Re Entry

ஐஸ்வர்யா அர்ஜூன்

சீதா பயணம்

கருத்துகள் (0) கருத்தைப் பதிவு செய்ய

20 வருடங்களுக்கு பிறகு மீண்டும் ...

தமிழ் படத்தில் அறிமுகமாகும் மாடல் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய