Dinamalar

கட்டம் கட்டி கலக்குறோம் : சிம்பு வெளியிட்ட புதுப்பட அப்டேட்

நடிகர் சிம்பு தற்போது மணிரத்னம் இயக்கத்தில் கமல் நடித்துள்ள ‛தக் லைப்' படத்தில் நடித்து முடித்துள்ளார். இதுதவிர கமல் தயாரிக்க, தேசிங்கு பெரியசாமி இயக்கத்தில் ஒரு வரலாற்று படத்தில் நடிக்க கிட்டத்தட்ட ஓராண்டுக்கு மேலாக தயாராகி வந்தார். ஆனால் படத்தின் பட்ஜெட் பிரச்னையால் இந்தப்படம் துவங்க தாமதம் ஆகி உள்ளது. இதனால் மற்ற படங்களில் நடிக்க சிம்பு தயாராகி வருகிறார்.

இதற்கிடையே ‛ஓ மை கடவுளே' படத்தின் மூலம் பிரபலமான அஸ்வத் மாரிமுத்து இயக்கத்தில் சிம்பு நடிக்க போவதாக ஏற்கனவே தகவல் வெளியானது. தற்போது அது அதிகாரப்பூர்வமாக அறிவிக்கப்பட்டுள்ளது.

ஏஜிஎஸ் தயாரிப்பில், அஸ்வத் மாரிமுத்து இயக்கத்தில் தான் நடிப்பதாக எக்ஸ் தளத்தில் சிம்பு அறிவித்துள்ளார். அதன் உடன் கட்டம் கட்டி கலக்குறோம்... வின்டேஜ் எஸ்டிஆர் மூட் என குறிப்பிட்டு தனது பாதி முகம் தெரியும் அளவுக்கு கை விரலில் கட்டம் கட்டி இருப்பது போன்ற போட்டோவை பகிர்ந்துள்ளார்.

இரு தினங்களாக எக்ஸ் தளத்தில் சிம்பு, ‛‛Dum + Manmadhan + Vallavan + Vtv in Gen Z mode = NAMBA NEXT!!! என்றும், டேய் 2கே கிட்ஸ், 90ஸ் மூடில் நாளைக்கு சார்ப்பா மாலை 6.06 மணிக்கு வரேன்'' என குறிப்பிட்டு வந்தது குறிப்பிடத்தக்கது.

அஸ்வத் மாரிமுத்து தற்போது பிரதீப் ரங்கநாதனை வைத்து ‛டிராகன்' என்ற படத்தை இயக்கி வருகிறார். இந்த படத்தையும் ஏஜிஎஸ் நிறுவனம் தான் தயாரித்து வருகிறது.

• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்
• 
  என் தந்தைக்கு புல் மீல்ஸ்... எனக்கு ஒரு ஸ்பூன் சாதம் : சல்மான்கான் சொன்ன ...
• 
  கல்கி 2898 ஏடி ஓராண்டு நிறைவு : அமிதாப்பச்சன் வெளியிட்ட பதிவு
• 
  விஜய் பட இயக்குனருடன் கைகோர்க்கும் அமீர் கான்

• 
  2025ன் 6 மாதங்களில் 122 படங்கள் ரிலீஸ்
• 
  விமர்சனம் என்ற பெயரில் சினிமாவை கொலை செய்யும் யூடியூபர்கள்: சுசீந்திரன் ...
• 
  இரண்டேகால் படம் : விமல் சொன்ன புதுக்கணக்கு
• 
  அனிமல் படம் குறித்த விமர்சனத்திற்கு ராஷ்மிகா கொடுத்த பதிலடி
• 
  கே.பி.ஒய் பாலாவின் ‛காந்தி கண்ணாடி' டைட்டில் முன்னோட்ட வீடியோ வெளியீடு