டிடிஎப் வாசனுக்கு பதிலாக ஹீரோவாக மாறிய கூல் சுரேஷ்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

15 அக், 2024 - 01:13 IST

எழுத்தின் அளவு:

Cool-Suresh-replaced-TTF-Vasan-as-the-hero

பைக் ரேஸ் பிரியரான டிடிஎப் வாசன் தனது எனது யூடியூப் சேனல் மூலமாக லட்சக்கணக்கான ரசிகர்களை பெற்றவர். அதேசமயம் சாலைகளில் விபத்தில் சிக்கி கைது செய்யப்படும் அளவிற்கு சர்ச்சைகளிலும் சிக்கி இன்னும் பரபரப்பை ஏற்படுத்தினார். இந்த நிலையில் மஞ்சள் வீரன் என்கிற படத்தின் மூலமாக சினிமாவிலும் கதாநாயகனாக டிடிஎப் வாசன் அறிமுகம் ஆகிறார் என்கிற அறிவிப்பு கடந்த சில மாதங்களுக்கு முன்பு வெளியானது. ஆனால் சில காரணங்களால் இந்த படத்தில் இருந்து டிடிஎப் வாசன் நீக்கப்படுகிறார் என படத்தின் இயக்குனர் செல்அம் என்பவர் கடந்த சில நாட்களுக்கு முன்பு ஒரு அறிவிப்பை வெளியிட்டார். மேலும் படத்திற்கான புதிய கதாநாயகன் தேர்வு நடைபெறுகிறது என்றும் கூறியிருந்தார்.

இந்த நிலையில் நகைச்சுவை நடிகர் கூல் சுரேஷ் தற்போது இந்த படத்தில் நடிப்பதன் மூலம் கதாநாயகனாக அறிமுகமாகிறார். இந்த தகவலை இயக்குனர், கூல் சுரேஷ் இருவருமே உறுதி செய்துள்ளனர். நடிகர் கூல் சுரேஷ், சிம்பு மற்றும் சந்தானம் ஆகியோர் படங்களில் தொடர்ந்து இடம் பிடித்து வருபவர். ஆனால் அதைவிட ஒவ்வொரு பெரிய நட்சத்திரங்களின் படங்கள் வெளியாகும் போதும் தியேட்டர்களில் முதல் நாள் முதல் காட்சியை பார்த்துவிட்டு வித்தியாசமான பாணியில் கருத்துக்களை சொல்வது என எப்போதும் தன்னை பரபரப்பிலேயே வைத்திருப்பவர் தான் கூல் சுரேஷ். நகைச்சுவை நடிகரான அவருக்கு டிடிஎப் வாசன் விலகியது கதாநாயகனுக்காக வாசலை திறந்து விட்டுள்ளது என்றே சொல்லலாம்.

Manjal Veeran

Cool Suresh

TTF Vasan

மஞ்சள் வீரன்

கூல் சுரேஷ்

டிடிஎப் வாசன்

கருத்துகள் (0) கருத்தைப் பதிவு செய்ய

பிளாஷ்பேக் : சினிமாவில் ஜெயிக்க ...

பிளாஷ்பேக் : தயாரிப்பு நிர்வாகியை ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய