சிவா இயக்கத்தில் சூர்யா நடித்துள்ள படம் கங்குவா. சரித்திரம் கலந்த பேண்டஸி படமாக தயாராகி உள்ளது. அக்டோபர் 10ம் தேதி திரைக்கு வரும் இந்த படத்தின் படப்பிடிப்பு முடிவடைந்து இறுதி கட்டப் பணிகள் விறுவிறுப்பாக நடைபெற்று வருகிறது. பத்துக்கும் மேற்பட்ட கெட்டப்புகளில் சூர்யா நடித்திருக்கும் இந்த படம் ஓடிடியில் 30 மொழிகளில் வெளியாக உள்ளது.
சரித்திர காலம் மற்றும் நிகழ்காலம் என இரண்டு விதமான காலகட்ட கதையில் உருவாகி இருக்கும் இந்த கங்குவா படத்தின் டிரைலர் வருகிற 12ம் தேதி வெளியாக இருப்பதாக ஸ்டுடியோ கிரீன் நிறுவனம் அதிகாரப்பூர்வமாக அறிவித்து இருக்கிறது. இப்படத்தில் சூர்யாவுடன் திஷா பதானி, பாபிதியோல் ஜெகபதி பாபு, யோகி பாபு, ரெடின் கிங்ஸ்லி, கே.எஸ் .ரவிக்குமார் என பலர் நடிக்க, தேவிஸ்ரீ பிரசாத் இசையமைத்திருக்கிறார்.