போலீசாக என்னை ரசிகர்கள் ஏற்பார்கள்: திரிஷா

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

போலீசாக என்னை ரசிகர்கள் ஏற்பார்கள்: திரிஷா

02 ஆக, 2024 - 04:58 IST

எழுத்தின் அளவு:

இளம் அறிமுக நடிகைகளுக்கு போட்டியாக இப்போதும் களத்தில் நிற்கிறார் திரிஷா. விடாமுயற்சி, தக் லைப், மலையாளத்தில் ராம், ஐடன்டட்டி, தெலுங்கில் 'விஸ்வம்பரா' என பிசியாக இருக்கிறார். இதற்கு இடையில் திரிஷா நடித்துள்ள வெப் தொடர் 'பிருந்தா'. தெலுங்கில் தயாராகி உள்ள இந்த தொடர் தமிழ் உள்ளிட்ட பிராந்திய மொழிகளில் இன்று(ஆக., 2) சோனி லிவ் தளத்தில் வெளியாகி உள்ளது. இதில் திரிஷா போலீஸ் அதிகாரியாக நடித்துள்ளார்.

இதுகுறித்து அவர் கூறும்போது, “நான் முதன்முறையாக போலீஸ் அதிகாரியாக நடித்தது பெரும் ஈர்ப்பாக இருந்தது. எந்தவொரு கதாபாத்திரமும் ஒரு சவாலே. ஆனால், இயக்குநரிடம் தெளிவு இருந்ததால் அனைத்து சிறப்பாகவே மாறியது. பிருந்தாவின் உடல் மொழி மற்றும் கேரக்டர் ஸ்கெட்ச் பற்றி விரிவாக விவாதித்தோம். அதன்பிறகு ஒத்திகை நடத்தி அதன் பிறகே நடித்தேன்.

இதற்கு முன்பு பல ஓடிடி வாய்ப்புகள் வந்தபோதும் அவற்றில் எனது கதாபாத்திரம் வலுவாக இல்லாததால் அதனை நான் ஒப்புக் கொள்ளவில்லை. மென்மையான கேரக்டர்களில் என்னை பார்த்து ரசித்த ரசிகர்கள் எனது போலீஸ் கேரக்டரை ஏற்றுக் கொள்ளவார்கள் என்று நம்புகிறேன். அதற்காக கடின உழைப்பையும், மெனக்கெடலையும் கொடுத்திருக்கிறேன்” என்கிறார் திரிஷா.

இந்த தொடரை சூர்யா மனோஜ் வாங்கலா எழுதி இயக்கியுள்ளார். சக்திகாந்த் கார்த்திக் இசை அமைத்துள்ளார். தினேஷ் பாபு ஒளிப்பதிவு செய்துள்ளார். திரிஷாவுடன் இந்திரஜித் சுகுமாரன், ஜெய பிரகாஷ், ஆமணி, ரவீந்திர விஜய், ஆனந்த் சாமி மற்றும் பலர் முக்கிய வேடங்களில் நடித்துள்ளனர்.

Trisha

Brinda

Sonyliv

கருத்துகள் (0) கருத்தைப் பதிவு செய்ய

அன்பு தான் எல்லாமே என பேச வருகிறது ...

எனக்கே தெரியாமல் என் படத்தில் ஒரு ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய