Dinamalar

பிளாஷ்பேக் : கருணாநிதி, ஜெயலலிதா சேர்ந்து பார்த்த எம்.ஜி.ஆர் படம்

அரசியல் களத்தில் பிற்காலத்தில் எதிரெதிராக நின்ற கருணாநிதியும், ஜெயலிதாவும் எம்.ஜி.ஆர் நடித்த 'நீரும் நெருப்பும்' படத்தை சென்னை தேவி பேரடைஸ் தியேட்டரில் எம்ஜிஆர் உடன் சேர்ந்து பார்த்த வரலாற்று நிகழ்வு நடந்தது. இதனால் அந்தசமயம் தியேட்டர் வாசல் முன் எம்.ஜி.ஆர் ரசிகர்களும், கருணாநிதி ஆதரவாளர்களும் ஆயிரக்கணக்கில் திரண்டு நின்றதால் பெரும் போலீஸ் படை பாதுகாப்பிற்காக குவிக்கப்பட்டது. குதிரைப்படை வீரர்கள் அணிவகுத்து நிற்க வைக்கப்பட்டனர். கண்ணீர் புகை குண்டுகளுடன் போலீசார் தயாராக இருந்தனர். இப்படியாக ஒரு பாதுகாப்பு அதற்கு முன்பும், பின்பும் தியேட்டர் வாசலில் போடப்பட்டதில்லை.

'நீரும் நெருப்பும்' படம் புகழ்பெற்ற 'தி கோர்சிகன் பிரதர்ஸ்' என்ற நாவலை தழுவி உருவாக்கப்பட்டது. தந்தையை கொன்றவர்களை மகன்கள் வளர்ந்து பழிவாங்குவதுதான் கதை. மணிவண்ணன், கரிகாலன் என்ற 2 கேரக்டர்களில் எம்.ஜி.ஆர் நடித்திருப்பார். ஒரு வேடத்தில் கருப்பான தோற்றம் கொண்டவராக நடித்தார். ஜெயலலிதா ஹீரோயின். இவர்களுடன் , சோ, தேங்காய் சீனிவாசன், ரி.கே.பகவதி, ஆர்.எஸ்.மனோகர், எஸ்.ஏ.அசோகன், சதன், கரிக்கோல் ராஜ், சி.எஸ்.பாண்டியன், குண்டுமணி, ஜஸ்ரின், ஜெயக்கொடி நடராஜ அய்யர், எஸ்.வி.ராமதாஸ், வி.எஸ்.ராகவன், உசிலைமணி, மனோரமா, ஜி.சகுந்தலா, சண்முகசுந்தரி, உட்பட பலர் நடித்திருந்தனர். எம்.எஸ்.விஸ்வநாதன் இசை அமைத்திருந்தார்.

இந்தப் படத்தின் வாள் சண்டை அப்போது பரபரப்பாக பேசப்பட்டது. குறிப்பாக தொழில்நுட்பம் வளராத காலத்தில் இரண்டு எம்.ஜி.ஆரும் சண்டையிடும் காட்சிகள் நுட்பமாக படமாக்கப்பட்டிருந்தது. ஆனால் படம் எதிர்பார்த்த வரவேற்பை பெறவில்லை. எம்.ஜி.ஆர் கருப்பு நிறத்தில் நடித்ததையும், கதைப்படி இறந்து போதையும் மக்கள் விரும்பவில்லை.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா