Dinamalar

'இந்தியன் 2' ஏமாற்றினால் என்ன? : 'கேம் சேஞ்சர்' பீவர் ஆரம்பம்

தமிழ் சினிமாவில் இன்றைய சூழலில் இளைஞர்களின் மனம் கவர்ந்த இசையமைப்பாளராக இருப்பவர் அனிருத். அவருடைய அதிரடி இசையில் சில முன்னணி நடிகர்களின் படங்களில் பாடல்கள் சூப்பர் ஹிட்டானவை. யு டியூப் தளத்தில் அதிக 100 மில்லியன் பாடல்களைக் கொடுத்தவர் அனிருத் என்ற பெருமை உண்டு.

பிரம்மாண்ட இயக்குனர் ஷங்கர், கமல்ஹாசன் ஆகியோருடன் அனிருத் 'இந்தியன் 2' படத்தில் இணைந்தார். பெரிதும் எதிர்பார்க்கப்பட்ட கூட்டணி. ஆனால், படத்தில் இடம் பெற்ற ஓரிரு பாடல்களும் ஹிட்டாகாமல் ஏமாற்றத்தைத் தந்தது. அனிருத் ரசிகர்களுக்கு அது அதிர்ச்சிதான்.

இருந்தாலும் ஷங்கரின் இயக்கத்தில் ராம்சரண் நடிக்கும் 'கேம் சேஞ்சர்' படம் பற்றிய ஒரு இசை அப்டேட்டைக் கொடுத்துள்ளார் தமன். அதில் 'கேம் சேஞ்சர்' படத்தில் மொத்தம் ஏழு பாடல்கள் உள்ளதாம். ஆகஸ்ட் மாதக் கடைசியில் இருந்து அப்டேட்டுகள் ஒன்றன் பின் ஒன்றாக வெளிவரும் என்று தமன் தெரிவித்துள்ளார். டிசம்பர் மாதம் கிறிஸ்துமஸ் விடுமுறையில் இப்படம் வெளியாகப் போகிறது.

ஷங்கர் இயக்கிய 'பாய்ஸ்' படத்தில் ஒரு கதாநாயகனாக நடித்த தமன், தற்போது தன்னை நடிகராக அறிமுகப்படுத்திய குருநாதரின் பிரம்மாண்ட படத்துக்கு இசையமைப்பது அவருக்கு பெருமைதான்.

ஷங்கர் - அனிருத் கூட்டணி ஏமாற்றத்தை, ஷங்கர் - தமன் கூட்டணி சரி செய்துவிடும் என இருவரது ரசிகர்களும் எதிர்பார்க்கிறார்கள்.

• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி
• 
  வளர்ப்பு மகள் மீது 50 கோடி நஷ்ட ஈடு கேட்டு வழக்கு தொடர்ந்த நடிகை

• 
  இளம் நடிகருடன் காதலா? - கோட் நடிகை விளக்கம்
• 
  ஏஆர் ரஹ்மான் பிரிவுக்கும், மோகினி டே பிரிவுக்கும் சம்பந்தம் இல்லை: சாய்ரா ...
• 
  என் மகளை மீட்டு தந்தது செட்டிக்குளங்கரா தேவி தான் : நயன்தாரா அம்மா ...
• 
  கிஸ் படத்திலிருந்து அனிரூத் விலகலா?
• 
  சம்பந்தி இது சரியில்லை : ‛ராஜாகிளி' பட விழாவில் அர்ஜூன் கலாட்டா