Dinamalar

'ஆர்யமாலா' என்னுடைய படம்: தயாரிப்பாளர் மீது இயக்குனர் குற்றச்சாட்டு

'பீச்சாங்கை' கார்த்திக், மனிஷாஜித் மற்றும் பலர் நடிக்க உருவாகியுள்ள 'ஆர்யமாலா' என்ற படத்தின் இசை வெளியீடு இன்று மாலை நடைபெறுவதாக இருந்தது. இந்நிலையில் 'ஆர்யமாலா' என்னுடைய படம், தற்போது தயாரிப்பாளர், அவரையே இயக்குனர் என்று போட்டு படத்தை வெளியிடும் முயற்சியில் இறங்கியுள்ளதாக வடலூர் ஆதிரை என்பவர் குற்றம் சாட்டியுள்ளார்.

இது குறித்து பேஸ்புக்கில், “கடந்த 2017ல் "ஆண்டாள்"என்கிறப் பெயரில்... திரைப்பட நடிகர் "பீச்சாங்கை" கார்த்திக்,நடிகை மணிஷாஜித் ஆகியோரை நாயகன்,நாயகியாக கொண்டும்.... இயக்குனர் மாரிமுத்து, சிவசங்கர் மாஸ்டர், உஷா எலிசபெத், தவசி உள்ளிட்ட நடிகர், நடிகைகளை முக்கிய கதாபாத்திரங்களாகவும்… ஒளிப்திவாளர் ஜெய், இசையமைப்பாளர் செல்வநம்பி, படத்தொகுப்பாளர் "சகா" ஹரிஹரன், கலை இயக்குனர் சிவா, நடன இயக்குனர் தஸ்த்தா, சண்டை மிரட்டல் செல்வா-வீரா,தயாரிப்பு மேலாளர் ஹென்றிகுமார், மக்கள் தொடர்பு ஷேக் ஆகியோர் அடங்கிய படக்குழுவை வைத்து பெப்சி அமைப்பின் அனுமதியோடு தமிழ் திரைப்படத்தை இயக்கி முடித்தேன்.

அப்படம் தற்சமயம் "ஆர்யமாலா" என்று பெயர் மாற்றம் செய்யப்பட்டு தயாரிப்பாளரே இயக்குனர் எனும் பதிவோடு 08.07.2024 அன்று இசை மற்றும் டிரைலர் வெளியீடு நடைபெற உள்ளதாக அறிந்து வேதனை அடைந்தேன். ஊடக நண்பர்களும், பேஸ்புக் உறவுகளும், எழுத்தாளர்களும், கவிஞர்களும், சமூக செயற்பாட்டளர்களும் ஒரு படைப்பாளியாக எனது உரிமையை பாதுகாக்க துணை நிற்குமாறு அன்போடு வேண்டுகிறேன்,” எனப் பதிவிட்டுள்ளார்.

இதனிடையே, இன்று மாலை நடைபெறுவதாக இருந்த 'ஆர்யமாலா' படத்தின் இசை வெளியீடு மற்றும் டிரைலர் வெளியீட்டை படக்குழுவினர் தள்ளி வைத்துள்ளனர்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்