Dinamalar

ஒருவழியாக வெளியானது ‛விடாமுயற்சி' பர்ஸ்ட்லுக்: அஜித் ரசிகர்கள் கொண்டாட்டம்

மகிழ் திருமேனி இயக்கத்தில், அனிருத் இசையமைப்பில், அஜித், த்ரிஷா மற்றும் பலர் நடிக்கும் படம் 'விடாமுயற்சி'. இப்படத்தின் கடைசி கட்ட படப்பிடிப்பு சமீபத்தில் அஜர்பைஜான் நாட்டில் ஆரம்பமானது.

'விடாமுயற்சி' படத்தின் தலைப்பை அறிவித்து படப்பிடிப்பை துவக்கிய நிலையில், பல மாதங்களாக வேறு எந்தவிதமான அறிவிப்பும் வெளிவராமல் இருந்தது. இதனால் படப்பிடிப்பு நிறுத்தப்பட்டு, அஜித் தனது அடுத்த படமான ‛குட் பேட் அக்லி' படத்தில் நடிக்க சென்றுவிட்டதாக செய்திகள் வெளிவந்தன. இதனையடுத்து விடாமுயற்சி படப்பிடிப்பில் விபத்து ஏற்படுவது போன்ற காட்சி படமாக்கப்பட்ட வீடியோ படக்குழு சார்பில் வெளியிடப்பட்டது. மேலும், படம் கைவிடப்படவில்லை என்பதையும் படக்குழு தெரிவித்தது. இடையிடையே குட் பேட் அக்லி படப்பிடிப்பிலும் கலந்துகொண்ட அஜித், தற்போது விடாமுயற்சி படத்தின் இறுதிக்கட்ட ஷூட்டிங்கில் பிசியாக நடித்து வருகிறார்.

இந்நிலையில் 'விடாமுயற்சி' பற்றிய அறிவிப்பு இன்று (ஜூன் 30) இரவு 7:03 மணிக்கு வெளியாகும் என தயாரிப்பு நிறுவனம் அறிவித்தது. அதன்படி, விடாமுயற்சி படத்தின் பர்ஸ்ட்லுக் போஸ்டரை படக்குழு வெளியிட்டது. அஜர்பைஜானில் தனியாக ரோட்டில் பையுடன் நடந்து வருவது போல இருக்கும் பர்ஸ்ட்லுக் போஸ்டரை அஜித் ரசிகர்கள் கொண்டாடி வருகின்றனர். போஸ்டரில் தலைப்பை விடாமுயற்சி திருவினையாக்கும் என குறிப்பிட்டிருப்பதுடன், கீழே ‛அவர் பாதையில்...' எனவும் கூறியுள்ளனர்.

நீண்ட நாட்களுக்கு பிறகு அஜித்தின் விடாமுயற்சி படத்தின் சார்பில் பர்ஸ்ட்லுக் வெளியானது, அஜித் ரசிகர்களுக்கு ட்ரீட் ஆக அமைந்துள்ளது. சில நாட்களுக்கு முன்னதாக தான் ‛குட் பேட் அக்லி' படத்தின் செகண்ட் லுக் வெளியானது.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது
• 
  ராஜமவுலியின் கடவுள் மறுப்புப் பேச்சு : அதிகரிக்கும் சர்ச்சை
• 
  கதை என்னவென்று தெரியாமல் தான் எம்புரான் பட சென்சார் பிரச்னையில் ...