Dinamalar

'இந்தியன் 2, ராயன்' இடையே சிக்கிய 'வணங்கான்'

பெரிய படங்களின் வெளியீடுகளால் சிறிய படங்கள் எப்போதுமே பாதிக்கப்படுகிறது. இந்த சிக்கலைத் தீர்த்து வைக்க யாருமே முன்வருவதில்லை.

ஜூலை மாதம் இரண்டு பெரிய படங்கள் வெளியாக உள்ளன. ஜூலை 12ம் தேதி ஷங்கர் இயக்கத்தில் கமல்ஹாசன் நடிக்கும் 'இந்தியன் 2' படம் வெளியாகிறது. ஜூலை 26ம் தேதி தனுஷ், இயக்கி நடித்துள்ள 'ராயன்' படம் வெளியாகும் என நேற்று அறிவிக்கப்பட்டது. இப்படம் முதலில் ஜூன் 13ம் தேதி வெளியாகும் என அறிவித்திருந்த நிலையில், ரிலீஸ் தள்ளி வைக்கப்பட்டுள்ளது.

பாலா இயக்கத்தில் அருண் விஜய் நடிக்கும் 'வணங்கான்' படத்தை ஜூலை வெளியீடு என அறிவித்திருந்தார்கள். இப்போது ஜூலை 12 மற்றும் 26 ஆகிய தேதிகளில் இரண்டு பெரிய படங்கள் வருவதால் 'வணங்கான்' படத்திற்கு சிக்கல் ஏற்பட்டுள்ளது.

அந்த இரண்டு பெரிய படங்களுக்கு முன்பாக ஜூலை 5ம் தேதி வெளியிட்டாலும், ஜூலை 19ம் தேதி வெளியிட்டாலும் ஒரு வாரம் மட்டுமே தியேட்டர்கள் கிடைக்கும். எனவே, இப்போது 'வணங்கான்' படத்தை வேறு ஒரு தேதிக்கு மாற்ற வேண்டிய கட்டாயம் ஏற்பட்டுள்ளது.

இந்தக் காரணத்தால்தான் சில தினங்களுக்கு முன்பு 'வணங்கான்' படத் தயாரிப்பாளர் பெரிய படங்களின் வெளியீட்டுத் தேதிகள் குறித்து “பெரும் படங்களின் ஆக்கிரமிப்பால் அல்லோகலப்படுகிறது, சிறு படங்களின் உழைப்பு,” எனக் கூறியிருந்தால் போலிருக்கிறது.

• 
  பார்வையாளர்களின் பதிலை மட்டுமே மதிக்கிறேன் : பல்லவி ஜோஷி
• 
  முதல் குழந்தை வீட்டிற்கு வருவதற்கு முன் ஆறு குழந்தைகளை பறிகொடுத்தேன் : ...
• 
  மும்பையில் உள்ள அபார்ட்மென்ட்டை குறைந்த லாபத்திற்கு விற்ற சோனு சூட்
• 
  குடும்பத்துடன் விநாயகர் சதுர்த்தி கொண்டாடிய சல்மான்கான்
• 
  காரில் கோளாறு: ஷாரூக்கான், தீபிகா படுகோனே மீது வழக்கு

• 
  மூணு குழந்தைகள் பெத்துக்கணும்... ஜான்வி கூறும் காரணம்
• 
  இரண்டாவது வாய்ப்பில் வெற்றி பெறுவாரா ருக்மிணி வசந்த்?
• 
  ‛கட்டா குஸ்தி 2' படம் துவங்கியது
• 
  சுதீப்பின் அடுத்த படத் தலைப்பு 'மார்க்'
• 
  தெலுங்கில் 100 கோடி வியாபாரத்தில் 'காந்தாரா சாப்டர் 1'