20 வயது நடிகருடன் காதலா... : கீர்த்தி சுரேஷ் பதில் | 'இந்தியன் 3' படத்திற்காக மீண்டும் படப்பிடிப்பு | அஜித்துடன் மோதும் சிவகார்த்திகேயன்? | 'தி கோட்' - தன் வேலையை ஆரம்பித்த மந்திரவாதி | 25 கோடியுடன் முடிவுக்கு வரும் 'சர்பிரா'!!! | விஷாலுக்கு தயாரிப்பாளர்கள் சங்கம் போட்ட கடிவாளம் | தங்கலான் படத்திற்கு யு/ஏ சான்று | பொறாமைக்கு மருந்தே கிடையாது : இயக்குனர் செல்வராகவன் | ஹீரோ ஆன மகன் விஜய் ஸ்ரீ ஹரி : வனிதா நெகிழ்ச்சி பதிவு | ரீமேக் மாதிரியே இருக்காது : ரசிகரின் கேள்விக்கு ரவி தேஜா பட இயக்குனர் பதில் |
தமிழில் விஜயகாந்த் நடித்த எங்கள் அண்ணா என்ற படத்தில் அறிமுகமானவர் நமீதா. அதன் பிறகு இங்கிலீஷ் காரன், பம்பரக் கண்ணாலே, கோவை பிரதர்ஸ், நான் அவன் இல்லை, பில்லா என பல படங்களில் நடித்தார். சினிமாவில் மார்க்கெட் டவுன் ஆன பிறகு 2017ம் ஆண்டு வீரேந்திர சவுத்ரி என்பவரை திருமணம் செய்து கொண்ட நமீதாவுக்கு கடந்த 2022ம் ஆண்டு இரட்டை குழந்தைகள் பிறந்தன.
இந்த நிலையில் அவருக்கும் அவரது கணவருக்கும் இடையே விவாகரத்து ஆகிவிட்டதாக சமீபத்தில் ஒரு செய்தி சோசியல் மீடியாவில் வைரலாகி வந்தது. அதற்கு நமீதா கொடுத்த விளக்கம்: ‛‛எங்களைப் பற்றி இப்படி ஒரு வதந்தி வருவதற்கு சில நாட்களுக்கு முன்புதான் என் கணவருடன் நான் எடுத்துக்கொண்ட புகைப்படங்களை வெளியிட்டிருந்தேன். என்றாலும் அதையடுத்து நாங்கள் விவாகரத்து செய்து விட்டதாக இப்படி ஒரு வதந்தி வருகிறது. எந்த அடிப்படையில் எதை வைத்து இது போன்ற செய்திகளை வெளியிடுகிறார்கள் என்பதே தெரியவில்லை. என்றாலும் சினிமாவில் நடிகையான பிறகு ஏராளமான வதந்திகளை பார்த்து விட்டதால், இப்படி ஒரு வதந்தி வெளியானதை பார்த்து நானும் எனது கணவரும் கவலைப்படவில்லை, சிரித்துக் கொண்டோம்''. இவ்வாறு நமீதா கூறியுள்ளார்.