Dinamalar

பேட் கேர்ள் பட டீசருக்கு சென்சார் வாங்கவில்லையா?

பாலிவுட் நடிகரும், இயக்குனருமான அனுராக் காஷ்யப் மற்றும் இயக்குனர் வெற்றிமாறன் ஆகியோர் இணைந்து தயாரித்து உள்ள படம் "பேட் கேர்ள்". இதில் அஞ்சலி சிவராமன், சாந்தி பிரியா, ஹ்ரிது ஹருண், டிஜே, அருணாசலம் மற்றும் சரண்யா ரவிச்சந்திரன் ஆகியோர் நடித்துள்ளனர். வெற்றிமாறனின் உதவி இயக்குனரான வர்ஷா பரத் இந்தப் படத்தின் மூலம் இயக்குனராக அறிமுகமாகிறார். இதன் டீசர் சமீபத்தில் வெளியானது. அதில் பள்ளி மாணவிகளையும், இந்து, பிராமண சமூக பெண்களை தவறாக சித்தரித்து இருப்பதாக கூறி பல்வேறு தரப்பிலிருந்தும் இந்த பேட் கேர்ள் படத்துக்கு எதிர்ப்பு கிளம்பியது.

பிராமணர்களையும், பிராமண பெண்களையும் அவமதிக்கும் வகையில், பேட் கேர்ள் படத்தில் காட்சிகள் இடம் பெற்று உள்ளதால், படத்துக்கு வழங்கப்பட்ட தணிக்கை சான்றிதழை திரும்ப பெற வேண்டும் என்றும், அதை ரத்து செய் வேண்டுமென்று உலக பிராமணர்கள் நலச்சங்க தலைவர் கே.சிவநாராயணன், 'சென்சார் போர்டு'க்கு புகார் மனு கொடுத்திருந்தார்.

இதேபோல, 'இப்படத்துக்கு வழங்கப்பட்ட சான்றிதழை ரத்து செய்ய வேண்டும்,எதிர் காலத்தில் எந்த மத பழக்க வழக்கங்களையும், சமுதாய கலாசாரத்தையும் சீரழிக்கும் வகையில் எடுக்கப்படும் எந்த திரைப்படத்தையும் திரையிட அனுமதிக்கக்கூடாது' என்று கூறி தமிழ்நாடு பிராமண சங்கத் தலைவர் கோவை சி.ஜி.வி.கணேசன் மாநில ஒருங்கிணைப்பாளர் பம்மல் ராமகிருஷ்ணன் ஆகியோர் கேட்டுக் கொண்டுள்ள நிலையில், 'பேட் கேர்ள்' படம் சென்சாருக்கே அப்ளை பண்ணலை-னு சொல்லி ஸ்டேட்மெண்ட் ஒன்றை சென்னை சென்சார் போர்ட் வெளியிட்டுள்ளது.

சமூக வலைதளங்களில் வெளியிடப்படும் டீசர் மற்றும் டிரைலருக்கு சென்சார் சான்றிதழ் வாங்க வேண்டும் என்ற புதிய உத்தரவு நடைமுறையில் உள்ள நிலையில், சென்சார் போர்டு இந்த விளக்கம் பேட் கேர்ள் திரைப்பட குழு பட டீசருக்கு முறையாக சென்சார் வாங்கவில்லை என்ற சர்ச்சை தற்போது எழுந்துள்ளது.

• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்
• 
  ஓய்வு பெற துடிக்கும் சூப்பர் ஹீரோ கதாபாத்திரத்தில் நடிக்கும் சல்மான் ...
• 
  ஸ்ரீதேவி நடித்த 'மாம்' படத்தின் 2ம் பாகம் படப்பிடிப்பு துவங்கியது

• 
  ஜனநாயகன் குறித்து மகிழ்ச்சியான செய்தி
• 
  திருமணத்திற்கு ஜோடியாக வந்ததற்கு பதிலடிதான் சங்கீதாவின் புதிய மனு ?
• 
  சிரஞ்சீவி, கமல் உள்ளிட்டோருக்கு 2025ன் தெலங்கானா மாநில சினிமா விருதுகள் ...
• 
  'மேட் இன் கொரியா' இயக்குனர் மனைவியின் கதை : பிரியங்கா மோகன்
• 
  இசையில் மட்டும்தான் கவனம்: நடிப்பு தகவலுக்கு முற்றுப்புள்ளி வைத்த சாய் ...