Dinamalar

'ஹனுமான்' படக்குழுவை வாழ்த்திய மத்திய அமைச்சர் அமித்ஷா

பிரசாந்த் வர்மா இயக்கத்தில், தேஜா சஜ்ஜா, அம்ரிதா ஐயர், வரலட்சுமி சரத்குமார் மற்றும் பலர் நடிப்பில் சங்கராந்தியை முன்னிட்டு வெளியான தெலுங்குப் படம் 'ஹனுமான்'. பான் இந்தியா படமாக வெளிவந்த இந்தப் படம் அதே சமயம் வெளியான மகேஷ்பாவின் 'குண்டூர் காரம்' படத்தை விடவும் பெரும் வசூலைக் குவித்தது. 50 நாட்களைக் கடந்து ஓடி வரும் இப்படம் 300 கோடி வசூலைக் கடந்துள்ளது.

ஐதராபாத்திற்கு வந்த மத்திய அமைச்சர் அமித்ஷாவை 'ஹனுமான்' படத்தின் தயாரிப்பாளர் நிரஞ்சன் ரெட்டி, இயக்குனர் பிரசாந்த் வர்மா, படத்தின் நாயகன் தேஜா சஜ்ஜா ஆகியோர் சந்தித்தனர். அமித்ஷாவுக்கு ஹனுமான் சிலை ஒன்றையும் பரிசாக அளித்தனர்.

படக்குழுவினர் தன்னை சந்தித்ததுபற்றி எக்ஸ் தளத்தில் அமைச்சர் அமித்ஷா வாழ்த்தியுள்ளார். “சமீபத்தில் வெளியான சூப்பர்ஹிட் படமான 'ஹனுமான்' படத்தின் இயக்குனர் பிரசாந்த் வர்மா, திறமையான நடிகர் தேஜா சஜ்ஜா ஆகியோரை சந்தித்தேன்.

“பாரதத்தின் ஆன்மிக மரபுகளையும், அவற்றிலிருந்து தோன்றிய சூப்பர் ஹீரோக்களை வெளிப்படுத்தும் பணியையும் படக்குழுவினர் செய்துள்ளனர். குழுவின் எதிர்கால திட்டங்களுக்கும் எனது வாழ்த்துகள்,” என்று குறிப்பிட்டுள்ளார்.

“அமித்ஷா சாரை சந்தித்தது ஒரு முழுமையான மரியாதை. உங்களது அன்பான, கனிவான வார்த்தைகளுக்கு மிக்க நன்றி சார்,” என படத்தின் நாயகன் தேஜா சஜ்ஜாவும், “உங்களைச் சந்தித்தது பாக்கியம் சார். உங்களின் அன்பான வார்த்தைகளும், ஊக்கமும் எங்களிடம் நீண்ட தாக்கத்தை ஏற்படுத்தும்,” என படத்தின் இயக்குனர் பிரசாந்த் வர்மாவும் நன்றி தெரிவித்துள்ளனர்.

• 
  ‛தூரான்தர்' படத்தின் வசூல் நிலவரம்!
• 
  மலேசியாவில் ரசிகர்களுடன் புகைப்படம் எடுத்த அஜித்
• 
  தர்மேந்திரா பிறந்தநாளில் ரசிகர்களின் பார்வைக்காக பண்ணை வீடு திறப்பு
• 
  லண்டன் லெஸ்டர் சதுக்கத்தில் ஷாருக்கான், கஜோலுக்கு சிலை
• 
  100 கோடி வசூல் கடந்த தனுஷின் 'தேரே இஷ்க் மெய்ன்'

• 
  ஜி.வி.பிரகாஷின் ‛ஹேப்பி ராஜ்' படத்தின் பர்ஸ்ட் லுக் போஸ்டரை வெளியிட்ட ...
• 
  என்னைப் பற்றி மாதம் ஒரு வதந்தியை பரப்புகிறார்கள்! கோபத்தை ...
• 
  திருமண கோலத்தில் அம்மாவுடன் எடுத்துக் கொண்ட நெகிழ்ச்சி புகைப்படத்தை ...
• 
  சூர்யா 47வது படத்தின் பூஜையுடன் அறிவிப்பு!
• 
  பிளாஷ்பேக்: இரண்டு முறை திரைப்பட வடிவம் பெற்ற மேடை நாடகம் “குமஸ்தாவின் ...