Dinamalar

சந்தானத்தின் வடக்குப்பட்டி ராமசாமி படத்திலிருந்து வெளியேறிய ரெட் ஜெயன்ட் மூவிஸ்!

சந்தானம் நாயகனாக நடித்துள்ள படம் வடக்குப்பட்டி ராமசாமி. கார்த்திக்கு யோகி இயக்கி உள்ள இந்த படத்தில் மேகா ஆகாஷ் நாயகியாக நடித்திருக்கிறார். இந்த படத்தின் தமிழக வெளியீட்டு உரிமையை உதயநிதி ஸ்டாலினின் ரெட் ஜெயன்ட் மூவிஸ் பெற்றிருந்தது. சமீபத்தில் வெளியிடப்பட்ட இப்படத்தின் டிரைலரில் ஈவேராவை விமர்சிக்கும் வகையில் ஒரு வசனம் இடம் பெற்றிருந்தது. கடவுள் இல்லை என்று சொல்லிக்கொண்டு திரிந்த ராமசாமிதான நீ என்று ஒருவர் கேட்பதும், அந்த ராமசாமி நான் இல்லை என்று சந்தானம் சொல்வது போன்றும் அமைந்திருந்தது.

இந்நிலையில் பொங்கல் வாழ்த்து தெரிவித்த போதும் அந்த வசனத்தை பேசி வீடியோ வெளியிட்டிருந்தார் சந்தானம். இதற்கு எதிர்ப்பு கிளம்பியதை அடுத்து அந்த வீடியோவை டெலிட் செய்தார். இதன் காரணமாக ஈவேராவை கிண்டல் செய்யும் படத்தை உதயநிதி ஸ்டாலின் வெளியிடுவதா? என்று திமுகவினர் எதிர்ப்பு தெரிவித்து வந்தார்கள்.

இப்படியான நிலையில் சந்தானத்தின் பிறந்த நாளை ஒட்டி வடக்குப்பட்டி ராமசாமி படக்குழு ஒரு போஸ்டர் வெளியிட்டுள்ளது. அதில், ரெட் ஜெயன்ட் மூவிஸ் பெயர் இடம் பெறவில்லை. மாறாக, பீப்பிள் மீடியோ பேக்டரி மற்றும் ரோமியோ பிக்சர்ஸ் பெயர்கள் இடம் பெற்றுள்ளது. இதன் காரணமாக வடக்குப்பட்டி ராமசாமி படத்தில் இருந்து ரெட் ஜெயன்ட் மூவிஸ் வெளியேறி இருப்பது தெரியவந்துள்ளது. இந்த படம் வருகிற பிப்ரவரி இரண்டாம் தேதி திரைக்கு வருகிறது.

• 
  அமிதாப் பச்சனின் தீபாவளி கொண்டாட்டத்தில் மகளுடன் ஆப்சென்ட் ஆன ஐஸ்வர்யா ...
• 
  ‛பேட்டில் ஆப் கல்வான்' படப்பிடிப்பில் சல்மான்கானுக்கு மொபைல் போன் ...
• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா

• 
  பிளாஷ்பேக்: “தீபாவளி” நாளன்று திரையில் தேசப்பற்றை விதைத்த “கப்பலோட்டிய ...
• 
  தீபாவளி வாழ்த்து சொன்ன ரஜினிகாந்த்
• 
  இது ‛டியூட்' தீபாவளி: மத்தாப்பாய் மமிதா பைஜூ
• 
  'என்ன சொல்ல போகிறார்(ய்)' தேஜூ அஸ்வினி
• 
  ரோபோ சங்கர் நினைவாக குபேரர் கோவிலுக்கு ரோபோ யானையை பரிசளித்த நடிகர் ...