Dinamalar

மெட்ராஸ்காரனாக மாறும் மலையாள சர்ச்சை நடிகர்

மலையாள திரையுலகில் வளர்ந்து வரும் இளம் நடிகர் ஷேன் நிகம். கடந்த சில வருடங்களுக்கு முன்பு வெயில் என்கிற படத்தில் அதிக சம்பளம் கேட்டு தயாரிப்பாளருடன் ஏற்பட்ட ஈகோ மோதலில் அந்த படம் முடிவடைவதற்கு முன்பாகவே அதில் நீண்ட தலைமுடியுடன் இருந்த தனது கெட்டப்பை மாற்றும் விதமாக முடியை வெட்டி அதிர்ச்சி அளித்தார் ஷேன் நிகம்.

இதைத் தொடர்ந்து அந்த விவகாரம் பூதாகரமாக உருவெடுத்து ஷேன் நிகமுக்கு மலையாள தயாரிப்பாளர் சங்கம் ரெட் கார்டு போடும் அளவுக்கு நிலைமை சீரியஸ் ஆனது. இதனால் தமிழில் ஒரு சில பெரிய படங்களில் நடிக்கும் வாய்ப்பையும் இழந்தார் ஷேன் நிகம். குறிப்பாக கோப்ரா படத்தில் முக்கிய கதாபாத்திரத்தில் நடிக்கும் வாய்ப்பும், சீனுராமசாமி டைரக்ஷனில் ஹீரோவாக நடிக்கும் வாய்ப்பும் கைநழுவி போனது.

இந்த நிலையில் கடந்த சில மாதங்களுக்கு முன்பு வெளியான ஆர்டிஎக்ஸ் படத்தின் வெற்றி மூலம் மீண்டும் அவருக்கு தமிழில் இருந்தும் வாய்ப்புகள் வர துவங்கியுள்ளன. அந்த வகையில் ரங்கோலி படத்தை இயக்கிய வாலி மோகன்தாஸ் இயக்கத்தில் உருவாகும் மெட்ராஸ்காரன் என்கிற படத்தில் கதாநாயகனாக தமிழில் அறிமுகமாகிறார் ஷேன் நிகம். இந்த படத்தில் கலையரசன் முக்கிய கதாபாத்திரத்தில் நடிக்க, சிரஞ்சீவி குடும்பத்தை சேர்ந்தவரும் ஒரு நல்ல நாள் பார்த்து சொல்றேன் என்கிற படத்தில் கதாநாயகியாக நடித்தவருமான நிஹாரிகா கொனிடேலா கதாநாயகியாக நடிக்கிறார்.

இந்த படத்தின் பர்ஸ்ட்லுக் போஸ்டரை நடிகர் துல்கர் சல்மான் வெளியிட்டுள்ளார். மலையாளத்திலிருந்து தமிழுக்கு அறிமுகமாகி இன்று மிகப்பெரிய முன்னணி நடிகராக உயர்ந்துள்ள துல்கர் சல்மான் இப்படி ஒரு மலையாள நடிகரின் தமிழில் அறிமுக பட போஸ்டரை வெளியிடுவது பொருத்தமான ஒன்றுதான்.

• செய்திகள்
• வந்த படங்கள்
• வரவிருக்கும் படங்கள்

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்