“அவரை கஷ்டப்படுத்தாதீர்கள் ப்ளீஸ்” : இயக்குனர் பாண்டிராஜ் வேண்டுகோள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

14 டிச, 2023 - 04:37 IST

எழுத்தின் அளவு:

தமிழ் சினிமாவில் ரஜினி, கமல் ஆகியோருடன் போட்டி போட்டு தனக்கென தனி ரசிகர் வட்டத்தை உருவாக்கியவர்களில் முதன்மையானவர் விஜயகாந்த். அரசியலும் இறங்கி தனி கட்சி ஆரம்பித்து எதிர்க்கட்சித் தலைவராகவும் பதவி வகித்தவர். கடந்த சில வாரங்களாக உடல்நலக்குறைவால் பாதிக்கப்பட்டு மருத்துமனையில் சிகிச்சை பெற்ற பின் வீடு திரும்பினார்.

இன்று(டிச., 14) அவரது கட்சியான தேமுதிகவின் பொதுக்குழு, செயற்குழு கூட்டம் நடைபெற்றது. அதில் உட்கார கூட முடியாத சூழலில் இருக்கும் விஜயகாந்த்தை நாற்காலியில் அமர வைத்து கூட்டத்தை நடத்தினார்கள். சரியாக உட்கார முடியாமல் சாய்ந்து விழப் போன விஜயகாந்தை இருவர் உடனே தாங்கிப்பிடிப்பதற்காக பின்புறமே நின்றிருந்தனர்.

அந்த வீடியோக்கள் சமூக வலைத்தளங்களில் பரவி விஜயகாந்த் மீது பரிதாபத்தை வரவழைத்திருக்கிறது. இப்படியெல்லாம் அவரைத் துன்புறுத்த வேண்டாமென பலரும் கோரிக்கை விடுத்து வருகிறார்கள்.

திரைப்பட இயக்குனரான பாண்டிராஜும் அவரது கவலையையும், கோரிக்கையையும் பகிர்ந்துள்ளார். “கேப்டன் திரு. விஜயகாந்த் அவர்களுக்கு , இப்பொழுது சரியான ஓய்வு தேவை . அவர் பூரண குணமடையும்வரை அவரை இப்படியெல்லாம் கஷ்ட்டப்படுத்தாதீர்கள் ப்ளீஸ்... பிடித்த ஒரு 'நல்ல மனிதரை ' இப்படி பார்க்க ரொம்பவே கஷ்ட்டமா இருக்கு,” எனப் பதிவிட்டுள்ளார்.

Pandiraj

Vijayakanth

Captainvijayakanth

கருத்துகள் (0) கருத்தைப் பதிவு செய்ய

கிளின்ட் ஈஸ்ட்வுட் வரை எட்டிய ...

'சலார்' குழுவுக்கு சம்மதம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய