Dinamalar

பொங்கல் போட்டி - விலகும் 'லால் சலாம்'?

2024ம் ஆண்டு பொங்கலை முன்னிட்டு வெளியாக உள்ள படங்கள் என சில படங்களின் அதிகாரப்பூர்வ அறிவிப்பு ஏற்கெனவே வெளியானது. ரஜினிகாந்த், விஷ்ணு விஷால், விக்ராந்த் நடிக்கும் 'லால் சலாம்', சிவகார்த்திகேயன் நடிக்கும் 'அயலான்', தமன்னா நடிக்கும் 'அரண்மனை 4', ஆகிய படங்கள் வெளியாவதாக ஏற்கெனவே அறிவித்திருந்தார்கள்.

இந்நிலையில் தனுஷ் நடிக்கும் 'கேப்டன் மில்லர்' படத்தை பொங்கலுக்கு வெளியிட உள்ளதாக நேற்று அதிகாரப்பூர்வமாக அறிவித்தார்கள். இப்படத்தை டிசம்பர் 15 வெளியிடுவதாக இதற்கு முன் அறிவித்திருந்தார்கள். ஆனால், திடீரென இப்படி தள்ளி வைத்ததன் காரணம் தெரியவில்லை. பான் இந்தியா படமாக இப்படத்தை வெளியிட திட்டமிட்டுள்ளார்கள்.

டிசம்பர் 22ம் தேதி பிரபாஸ் நடிக்கும் 'சலார்', ஷாரூக்கான் நடிக்கும் 'டன்கி' ஆகிய படங்கள் வெளியாகவில்லை. 'கேப்டன் மில்லர்' படத்தை டிசம்பர் 15ல் வெளியிட்டால் ஒரு வாரத்தில் தியேட்டர்களை விட்டு தூக்க வேண்டிய நிலை வரலாம். தனுஷுக்கு தற்போது தெலுங்கிலும் நல்ல மார்க்கெட் உள்ளது. எனவே, அப்படங்களுடன் போட்டியிட வேண்டாம் என்றுதான் பொங்கலுக்குத் தள்ளி வைத்திருப்பார்கள் என்கிறார்கள்.

தனுஷின் முன்னாள் மனைவியான ஐஸ்வர்யா ரஜினிகாந்த் இயக்கியுள்ள 'லால் சலாம்' படத்திற்காக ரஜினிகாந்த்தை வைத்து படமாக்கிய காட்சிகளின் பிரதிகள் 'டெலிட்' ஆகிவிட்டதாக ஒரு பரபரப்பு எழுந்துள்ளது. அதனால், அந்தப் படம் தள்ளிப் போக வாய்ப்புள்ளதாம். எனவே தான் அந்த இடத்தில் 'கேப்டன் மில்லர்' படத்தை வெளியிடவும் திட்டமிட்டுள்ளதாகச் சொல்கிறார்கள்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்
• டுவிட்டர்

• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!
• 
  இரண்டே நாட்களில் 100 கோடி கடந்த 'சிக்கந்தர்'
• 
  இளம் பெண் பலாத்காரம்: பாலிவுட் இயக்குனர் கைது
• 
  ஏர்போர்ட்டில் தடையின்றி செல்ல தந்தையின் சலுகைகளை ரன்யா ராவ் ...

• 
  பாட்டு பாடி, பழைய நினைவுகளை பகிர்ந்து பாரதிராஜாவை தேற்றிய கங்கை அமரன்
• 
  பெண் குழந்தைக்கு தந்தையான ரெடின் கிங்ஸ்லி
• 
  துருவ நட்சத்திரம் : காத்திருக்கும் விக்ரம்
• 
  25 வயதில் மகன் இருக்கையில் தந்தையாக நடிக்க தயங்கும் ஹீரோக்கள் : சசிகுமார் ...
• 
  அருண் விஜய் படத்திற்கு பாடல் பாடிய தனுஷ்