Dinamalar

ஜெயிலர் Vs லியோ : ஆரம்பமான வசூல் சண்டை

2023ம் ஆண்டின் மிகப் பெரும் வசூல் படமாக ரஜினிகாந்த் நடித்து ஆகஸ்ட் 10ம் தேதி வெளியான 'ஜெயிலர்' படம் அமைந்தது. அப்படத்தின் மொத்த வசூல் 600 கோடி என்று ரஜினிகாந்த் ரசிகர்கள் சொல்லி வருகிறார்கள். ஆனால், தயாரிப்பு நிறுவனம் ஆகஸ்ட் 25ம் தேதி படத்தின் வசூல் 525 + கோடி என அதிகாரப்பூர்வமாக அறிவித்தார்கள். அதன்பின் கடைசி நாள் வசூலையும் சேர்த்து மொத்த வசூல் எவ்வளவு என்பது குறித்து அறிவிக்கவில்லை.

இதனிடையே, விஜய் நடித்து கடந்த வாரம் வெளியான 'லியோ' படத்தின் வசூல் 400 கோடி என 'காம்ஸ்கோர்' இணையதளம் செய்தியை வெளியிட்டது. ஆனால், அது பொய்யான வசூல் என ரஜினிகாந்த் ரசிகர்கள் சமூக வலைத்தளங்களில் எதிர்ப்பு தெரிவித்து வருகிறார்கள். 'லியோ ஸ்கேம்' என்று கூட எக்ஸ் தளத்தில் டிரெண்டிங் இருந்து வருகிறது. அந்த 400 கோடி வசூல் என்பதே ஒரு ஊழல் தான் என்பதுதான் அந்த டிரெண்டிங்கின் சாராம்சம்.

இதனிடையே, 'ஜெயிலர்' படத்தின் வசூலை 'லியோ' முறியடித்துவிடும் என விஜய் ரசிகர்கள் பரப்பி வருகிறார்கள். இன்று வரை விடுமுறை நாள் என்பதால் படத்தின் வசூல் சிறப்பாகவே இருக்கிறது. நாளை முதல் வசூலில் மிகப் பெரும் சரிவு ஏற்படலாம். அதனால், இன்றைக்கோ நாளைக்கோ 'லியோ' படத்தின் வசூல் இத்தனை கோடி என தயாரிப்பு நிறுவனம் தரப்பிலோ, அல்லது அவர்கள் சார்பிலோ வசூல் விவரம் வெளியாகலாம்.

• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்
• 
  வாழ்க்கையை குறை சொல்லாதீங்க : தோல்வி குறித்து ஷாரூக்கான் தந்த அறிவுரை
• 
  உண்மையை வெளிக்கொண்டு வந்துள்ளது: 'தி சபர்மதி ரிப்போர்ட்' படத்திற்கு ...
• 
  கங்குவா பட நாயகி திஷா பதானியின் தந்தையிடம் ரூ.25 லட்சம் மோசடி

• 
  அட்லியின் அடுத்த படம் : வெளியானது புதிய அப்டேட்
• 
  அஜித்தின் குட் பேட் அக்லி படப்பிடிப்பு விரைவில் முடிவடைகிறது
• 
  சூர்யாவின் கர்ணா ஹிந்தி படம் டிராப்பா?
• 
  டில்லியில் சிறிய அளவில் பிறந்தநாள் கொண்டாடிய நயன்தாரா
• 
  2024ல் அதிகம் பேர் பார்த்த படமாக 'அமரன்'