Dinamalar

பிறந்தநாளில் எத்தனை மகிழ்ச்சி - லைலா

தமிழ் சினிமா உலகில் 2 கே காலத்தில் குறிப்பிடும் கதாநாயகியாக இருந்தவர் லைலா. குறைவான படங்களில் நடித்திருந்தாலும் அவருடைய 'பிதாமகன்' படத்தின் கதாபாத்திரமும், நடிப்பும் இன்று வரை பேசப்பட்டுக் கொண்டிருக்கும் ஒன்று. அந்தக் காலத்தில் ரசிகர்களால் சிரிப்பழகி என்றழைக்கப்பட்டவர். இப்போதும் அதே சிரிப்புடன் வலம் வருகிறார்.

பிரசாந்த்துடன் 'பார்த்தேன் ரசித்தேன்', விக்ரமுடன் 'தில்', சூர்யாவுடன் 'நந்தா, உன்னை நினைத்து, பிதாமகன்', அஜித்துடன் 'தீனா, பரமசிவம்' ஆகிய படங்களில் நடித்தவர். நீண்ட இடைவெளிக்குப் பிறகு கடந்த வருடம் கார்த்தி நடித்து வெளிவந்த 'சர்தார்' படத்தில் நடித்தார்.

தற்போது விஜய்யின் 68வது படத்தில் முக்கிய கதாபாத்திரம் ஒன்றில் நடிக்கிறார். இன்று லைலாவுக்குப் பிறந்தநாள். அவரது பிறந்தநாளில் 'விஜய் 68' பற்றிய அப்டேட் வெளிவந்துள்ளது. அது மட்டுமல்ல, 'பிதாமகன்' வெளிவந்து 20 ஆண்டுகளாகிவிட்டது. 'சர்தார்' படம் வெளிவந்து சில நாட்களுக்கு முன்பு ஒரு வருடமாகிவிட்டது.

தனது பிறந்தநாளில் இத்தனை மகிழ்ச்சியான செய்திகள் வந்துள்ளது குறித்து மகிழ்ச்சி தெரிவித்து வீடியோவில், “பிதாமகன் 20 வருடம், சர்தார் படத்தின் ஒரு வருடம், 'தளபதி 68' படத்தின் அறிவிப்பு, எனது பிறந்தநாள் எப்போதுமே ஸ்பெஷலாக ஏதாவது தரும், உங்கள் அனைவரின் வாழ்த்துகளுக்கும் நன்றி, உங்கள் அனைவரையும் நேசிக்கிறேன்,” எனத் தெரிவித்துள்ளார்.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!